مصر میں اسلامی تعلیمات کی معروف یونیورسٹی جامعہ الازہر کی جانب سے جاری ایک بیان کے مطابق یونیورسٹی کے وائس چانسلر احمد حسنی کو ایک متنازعہ مسلم محقق البُہیری کو ’مرتد‘ کہنے پر اُن کے عہدے سے سبکدوش کر دیا گیا ہے۔
حسنی کو اُن کے بیان پر جامعہ کی جانب سے معافی مانگنے کو کہا گیا تھا۔ حسنی نے ایک نجی ٹی وی کو دیے گئے اپنے ایک انٹرویو میں کہا تھا کہ البُہیری نے اسلام کے مقرر کردہ قوانین کا انکار کیا۔
اپنے اس بیان پر احمد حسنی نے معافی طلب کرنے کے بعد یونورسٹی کی ویب سائٹ پر لکھا کہ البُہیری سے متعلق سوال پر اُن کا ردِ عمل غلط اور جامعہ کی پالیسی کے خلاف تھا۔
