نواز شریف شاہدرہ خطاب۔ رخصت قبول نہیں کی،نواز شریف کا اعلان

0
80

بدھ کے روز اسلام آباد سے جی ٹی روڈ کے راستے چلنے والا نواز شریف کا قافلہ لاہورشاہدرہ میں داخل ہو چکا ہے جہاں پر اختتامی خطاب داتا دربار کے سامنے کیا جائے گا اور یہ دیکھنا باقی ہے کہ کیا نااہل سابق وزیراعظم اپنے اس بظاہر احتجاجی مارچ کے آخر میں کیا نیا لائحہ عمل دیتے ہیں۔

اس سے قبل گوجرانوالہ سے یہ قافلہ ڈیڈھ گھنٹے کی تاخیر سے چلا تھا جس کے بعد راستے میں مریدکے میں انہوں نے عوام سے خطاب کرتے ہوئے وہی تمام باتیں ایک بار پھر دوہرائیں جو وہ اسلام آباد سے کہتے آ رہے تھے

سابق وزیراعظم نواز شریف نے کہا ہے کہ آپ نے نوازشریف کو وزیراعظم بناکر بھیجا تھا، میں نے کوئی کرپشن نہیں کی، کوئی ہیرا پھیری نہیں کی، کہتے ہیں اس لیے نکالا کہ بیٹے سے تنخواہ نہیں لی،اگر بیٹے سے تنخواہ لی بھی تو کیا ہوا،نوازشریف آپ کے پاس آیا،چند لوگ پاکستان کے مالک نہیں ہو سکتے،پاکستان کے 20کروڑ عوام اصلی مالک ہیں۔

ریلی کے چوتھے روز گوجرانوالہ سے مرید کے پہنچنے پر عوامی اجتماع سے خطاب میں نواز شریف کا کہنا تھا کہ مریدکے میں جو دیکھ رہا ہوں یہ انقلاب، تبدیلی کا پیش خیمہ ہے ،میں آپ سے قدم سے قدم ملا کر،ہاتھ میں ہاتھ ڈال کر چلوں گا۔

سابق وزیراعظم نے کہا کہ آج میں یہاں سے فیصلہ کرکے نکل رہاہوں،انقلاب میں نوازشریف کا ساتھ دو گے ؟میں آپ سے کبھی بے وفائی نہیں کروں گا،میں عوام کو کبھی دھوکا نہیں دوں گا۔

SHARE

LEAVE A REPLY