ایک سی سب پہ ھے عطا تیری۔ بلال رشید

0
167

پاک ھے ذات اے خدا تیری
فرض ھے سب پہ ہی ثناء تیری

وقت سے ماورا تیری ہستی
ابتدا تیری انتہا تیری

انبیاء آلِ پاک ھوں کہ ولی
سب کو درکار ھے رضا تیری

کوئی عابد ھو یا کہ فاسق ھو
ایک سی سب پہ ھے عطا تیری۔
کون باقی ھے بزمِ ہستی میں
ذات ھے اک ہی لا فنا تیری

کون اُ س کی کرے شفاعت پھر ۔
ذات جس سے ہوئی خفا تیری ۔

حمد کہنا مرا علالت میں ۔۔
سب اسے کہتے ہیں عطا تیری

رنج و غم کے شکار بندوں کو ۔
یاد دیتی ہے حوصلہ تیری

حمد سب ہی بلال کہتے ھیں
ھاں مگر بات ھے جدا تیری

بلال رشید

SHARE

LEAVE A REPLY