گزشتہ دنوں اکادمی ادبیات اورادارہ خیال و فن،لاھور کے اشتراک سے پی ایچ اے لائیبریری پارک ۔ڈی بلاک فیصل ٹاؤن لاہور کے بارےمیں ایک خصوصی نشست میں سوالات کے جوابات دیتے ھوئے شاھد بخاری ایڈووکیٹ نے 25 لیٹر ز،جوانھوں نے28.12.17 سے25.01.22 تک پی ایچ اے کے ڈی جی .,چئیر مین،منسٹرز، پرائم منسٹر،گورنر،اور سپیکر وغیرھم،کو لکھے تھے،کی کاپیاں دکھلا تے ھوئے کہا کہ ریمائینڈرز ان کے علا وہ ھیں،سوائے دو کے کسی کا،جواب نہیں ملا۔ایک جواب دو سال بعد صوبائی محتسب نے یہ دیا کہ لائیبریریز سے متعلق انھیں اختیار سماعت حاصل نھیں ھے”۔دوسرے لیٹر کے جواب میں،عبوری وزیر اعلیٰ،ڈاکٹر حسن عسکری صاحب نے خالی چیمبر مختص برائے لائیبریری سے دفتر پھر،ایک ھفتے کے اندر 428 ڈی.بلاک میں شفٹ کروا دیاتھا۔
(تعجب سے سامعین بولے، یوں بھی ھوتا ھے زمانے میں؟؟”)
اکادمی کے افسر تقریبات محمد جمیل نے کہا کہ یقین نہیں آ رھا کہ اپنے وعدے کے برعکس،وزیر تعلیم،بجائے لائیبریری کے،دفتر یو سی نمبر.210,شفٹ کروا سکتے ھیں۔
ادارہ خیال و فن کے چیئرمین ممتا ز راشد نے کہا کہ ھم ان سب ساتھیوں کے شکر گزار ھیں،جنھوں نے لائیبریری کے حق میں, شاعری کی، کالمز لکھے اور ان مدیران کے بھی ممنون ھیں جنھوں نے،وہ کالمز شائع کئے اور ادارئیے بھی لکھے۔
کلمات صدارت میں چیف ایڈیٹر شاداب،ڈاکٹر کنول فیروز نے کہا کہ ھمیں امید ھے کہ موجودہ وزیر اعلیٰ دفتر،فورن،پھر وھیں شفٹ کروا دیں گے اور واسا چیمبر میں لائیبریری کا جلد افتتاح کرواکے،علم و ادب پروری کا ثبوت دیں گے۔
بعد ازاں مشاعرہ ھوا، منتخب کلام نذر قارئین ھے:
تعلیم کے وزیر سے ھے شاھد کی التماس
پھیلائیں ڈی بلاک میں علم وادب کا نور
یو۔سی۔دفتر کا انتظام کہیں اور کیجئیے
ترجیح دیجیئے گا لائیبریری کو اے حضور (شاھدبخاری)
کتب خانے،خزانےعلم وفن ھیں
سدا رھتا ھے ان کا فیض جاری
مدد کیجے جہاں تک ھو سکے ان کی
لگے ھیں آ ج کل،اس کام میں
شاھد بخاری (پروفیسر اکرم)
پوچھتی ھے لائیبریری،آج فیصل ٹاؤن کی
چارہ سازوں کی اٹھے گی،اسکی جانب کب نگاہ؟
بار پائیں گے یہاں کب تک،ثنا خوان کتاب؟
آ خرش کب ھو گا اس دانش کدے کا افتتاح؟ (آصف مرزا)
پی۔ایچ۔اے کا کتب خانہ،زندگی کی بات ھے
سچ تو یہ ھے،لائیبریری
روشنی کی بات ھے
لائیبریری میرے دل اور تیرے دل کی ھے صدا
یہ حقیقت ھےکہ یہ تو ھر کسی کی بات ھے
(ڈاکٹر اقبال،مدیر،ماھنامہ سفید چھڑی)
اس میں معلومات کا ھے اک خزانہ دوستو
ھے یہ بہ الفاظ دیگر،آواز حی علی الفلاح
اسکو کہتے ھیں یہاں کے لوگ،تاریخی قدم
پی۔ایچ ۔اے۔اسپرانتو لائبریری کا کب ھو گا
افتتاح؟؟(اقبال راھی)
شہر کے اس محلے میں،جو کھل کتب خانہ
بہت ھی خوب ھو جائے، یہ خواھش ھماری ھے
مجاھد ایک ھے ایسا،مگن ھے جو اسی دھن میں
نہ ھارا ھے نہ ھارے گا،کہ وہ شاھد بخاری ھے
(انجینئرضیاء حسین)
وفا ھونے کو ھیں وعدے کسی کے
سو چھٹ جائیں گے بادل تیرگی کے
کتب خانے کا جاری فیض ھو گا
دیئے جلنے لگیں گے،آگہی کے (محمد الیاس)
یہ جو فیصل ٹاؤن ھے لاھور میں
اس میں اک نادر کتب خانہ بھی ھے
جب تلک ھو گا نہ اس کا افتتاح
یہ حقیقت بھی ھے،افسانہ بھی ھے۔ (شہباز انور)
گرچاھتے ھو قوم کا پختہ شعور ھو
ذوقِ مطالعہ کو پھر عام کیجئے
دارالمطالعہ ھر بستی میں کھولئیے
توفیق گر ملےتو یہ کام کیجئیے (زینب جعفری)
آجاؤ کتب خانے میں اقبال سے مل لو
غالب بھی یہاں بیٹھے ھیں،دروازہ کھلا ھے
حافظ ورومی و خسرو بھی ھیں موجود
شاھان اقلیم سخن کا دربار سجا ھے (عمر وقار)
ھیں ماضی وحال کی تصویر کتابیں
معرکہء ھستی میں ھیں شمشیر کتابیں
افرازئ ملت کے رموز ان میں ھیں پنہا ں
قوموں کی بدل دیتی ھیں تقدیر کتابیں ( حمزہ شاکر)













