سابق افغان کرکٹر شپور زدران کی نماز جنازہ کابل میں ادا کردی گئی۔
افغان کرکٹ بورڈ کے مطابق شپور زدران کی نماز جنازہ میں ،اے سی بی بورڈ ممبر، سابق اور موجودہ افغان کرکٹرز سمیت ہزاروں افراد نے شرکت کی۔
کرکٹر شپور زدران کینسرکی بیماری میں مبتلا تھے اور وہ طویل علالت کے بعدچند روز قبل انتقال کرگئے تھے۔
واضح رہے کہ افغان کرکٹ بورڈ کے مطابق سابق فاسٹ بولر شاپور زدران کا جسدِ خاکی بدھ کے روز بھارت سے کابل پہنچا جہاں وہ انتقال سے قبل زیرِ علاج تھے۔
,,,,,,,,,,,,,,,,,,,,,,
افغانستان کے سابق فاسٹ بولر شاپور زدران 38 سال کی عمر میں انتقال کر گئے۔
افغانستان کرکٹ بورڈ نے شاپور زدران کے انتقال کی تصدیق کی ہے، وہ کینسر کے مرض میں مبتلا اور بھارت کے مقامی اسپتال میں زیرِ علاج تھے۔
افغانستان کرکٹ بورڈ نے شاپور زدران کے انتقال پر افسوس کا اظہار کیا ہے۔
افغانستان کرکٹ بورڈ کے مطابق شاپور زدران کے جنازے کا اعلان خاندان والوں کی مشاورت سے بعد میں کیا جائے گا۔
وہ افغانستان کرکٹ کے ابتدائی کھلاڑیوں میں سے تھے۔
افغانستان کے متعدد کھلاڑی بھارتی اسپتال میں شاپور زدران کی عیادت کے لیے جاتے رہے ہیں۔
شاپور زدران نے 44 ون ڈے، 36 ٹی ٹوئنٹی انٹرنیشنل میچز میں افغانستان کی نمائندگی کی۔
