شامی صوبے ادلب میں حکومتی فضائیہ کی بمباری کے نتیجے میں گزشتہ دو دنوں کے دوران 33 شہری مارے گئے ہیں۔
سیرئن آبزرویٹری فار ہیومن رائٹس نے پیر کے دن بتایا کہ باغیوں کے زیر قبضہ علاقوں میں کی گئی ان فضائی کارورائیوں مرنے والے زیادہ تر افراد کا تعلق سراقب نامی علاقے سے تھا۔
یہ علاقہ حلب سے بیس کلو میٹر دور اس ایئر بیس کے قریب واقع ہے، جہاں حکومتی دستوں اور اس کے اتحادی ملیشیا گروہوں نے حال ہی میں جہادیوں کو پسپا کیا تھا۔













