متحدہ قومی موومنٹ (ایم کیو ایم) پاکستان کے رہنما خواجہ اظہارالحسن نے ٹکٹوں کی تقسیم کے معاملے پر پارٹی رہنماؤں میں تلخ کلامی کا انکشاف کیا جسکے بعد انکو ٹکٹ مل گئی ۔
اس سے قبل نیوز سے ٹیلیفون پر گفتگو کرتے ہوئے خواجہ اظہار الحسن نے قومی اور صوبائی اسمبلی کیلئے ٹکٹوں کی تقسیم پر تحفظات کا اظہار کیا تھا
خواجہ اظہارالحسن نے کہا تھاکہ ایم کیو ایم کی ٹکٹوں کی تقسیم میں میرٹ کو نظر انداز کیا گیا، معاملے پر پاکستان ہاؤس میں رہنماؤں کے درمیان تلخ کلامی بھی ہوئی۔
رہنما ایم کیو ایم نے مزید کہا کہ مجھے صوبائی اسمبلی کی نشست پی ایس 123 سے الیکشن لڑنے کی آفر کی گئی، مگر میں نے معذرت کر لی۔
واضح رہے کہ 8 فروری 2024 کو ہونے والے عام انتخابات میں صوبائی اسمبلی کیلئے متحدہ قومی موومنٹ (ایم کیو ایم) کے امیدواروں میں بڑی تبدیلی کی گئی ہے۔
ذرائع کا کہنا ہے کہ سابق اپوزیشن لیڈر خواجہ اظہار الحسن 2024 کے انتخابات سے آؤٹ ہوگئے، خواجہ اظہار نے قومی و صوبائی اسمبلی کی 4 نشستوں سے کاغذات جمع کروائے تھے۔












