نواز شریف اور مریم نواز کی عدلیہ مخالف تقاریر پر پابندی کے معاملے پر چیف جسٹس آف پاکستان نے لاہور ہائیکورٹ کے فیصلے کا ازخود نوٹس لے لیا۔
چیف جسٹس ثاقب نثار نے لاہور ہائیکورٹ سے آج ہی تمام ریکارڈ طلب کر لیا۔ سپریم کورٹ میں ازخود نوٹس کی سماعت آج ہی ہوگی۔ عدالت نے پیمرا کو نوٹس جاری کر دیا۔
یاد رہے لاہور ہائیکورٹ نے نوازشریف، مریم نواز اور دیگر کے خلاف 15 دن کیلئے عدلیہ مخالف تقاریر نشر کرنے پر پابندی عائد کی تھی۔ عدالت نے اپنے حکم میں کہا پیمرا 15 دن میں خود فیصلہ کرے کہ ان تقاریر کو نشر کیا جانا چاہیے یا نہیں ، عدلیہ مخالف توہین آمیز مواد کی خود سخت مانیٹرنگ کریں گے۔
