ایرانی مسلح افواج کے خاتم الانبیا مرکزی ہیڈکوارٹر نے کہا ہے کہ جنوبی لبنان اور بیروت کے علاقے ضاحیہ میں اسرائیلی کارروائیوں کے جواب میں ایران کی مسلح افواج نے سخت اور دردناک ردعمل دیا اور اب یہ آپریشن روک دیا گیا ہے۔
بیان میں کہا گیا کہ صہیونی حکومت کی جانب سے جنوبی لبنان اور ضاحیہ میں کی جانے والی جارحیت اور مظالم کے جواب میں اسلامی جمہوریہ ایران کی مسلح افواج نے لبنان کے مظلوم عوام کی حمایت میں اس اسرائیل کو دردناک جواب دیا۔
بیان میں مزید کہا گیا کہ یہ ایسا ردعمل ہے جس سے صہیونی حکومت اور اس کے حامیوں کو سبق سیکھنا چاہیے۔
خاتم الانبیا مرکزی ہیڈکوارٹر نے اعلان کیا کہ مسلح افواج کی جانب سے کارروائیاں روک دی گئی ہیں، تاہم خبردار کیا گیا کہ اگر جارحیت اور مظالم کا سلسلہ جاری رہا تو اس سے کہیں زیادہ سخت اور تباہ کن اقدامات کیے جائیں گے۔
