لاہور، قومی اسمبلی کی 14 نشستوں کے مکمل نتائج جاری

0
602

 قومی اسمبلی کی چودہ نشستوں کے سرکاری نتائج جاری کر دئیے گئے۔ ن لیگ نے 10 سیٹوں پر قبضہ جما لیا جبکہ تحریک انصاف بھی 4نشستیں لے اڑی۔ چیئرمین تحریک انصاف عمران خان این اے 131سےکامیاب، صدر مسلم لیگ ن شہبازشریف نے مدمقابل منشا سندھو کو بڑی لیڈ سے ہرا دیا۔

لاہور سے قومی اسمبلی کے چودہ حلقوں کے نتائج جاری کر دئیے گئے۔ 2002 اور 2013 میں قسمت نے ساتھ نہ دیا تاہم 2018 میں کپتان کا ستارہ عروج پر پہنچ گیا ہے۔عمران خان نے این اے 131 میں خواجہ سعدرفیق کو شکست دے دی۔ این اے 132 میں صدرمسلم لیگ ن شہبازشریف کامیاب ہوئے۔ انہوں نے 95 ہزار 835ووٹ لئے جبکہ ان کے مدمقابل پی ٹی آئی کے منشا سندھو 49ہزار93ووٹ لے سکے۔

دیگر نشستوں پر مسلم لیگ ن کی جانب سے این اے 123سےمحمد ریاض، این اے 124سے حمزہ شہباز، این اے 125سے وحید عالم خان، این اے 127 سے علی پرویز ملک، این اے 128سے روحیل اصغر، این اے 129 سردار ایاز صادق،این اے 133سے پرویز ملک، این اے 134سے رانامبشر اور این اے 136سے افضل کھوکھر کامیاب ہوئے جبکہ پی ٹی آئی کی جانب سے این اے 126سے حماد اظہر، این اے 130سے شفقت محمود اور این اے 135 سے ملک کرامت کھوکھر نے کامیابی حاصل کی۔

SHARE

LEAVE A REPLY