افغانستان میں ایک کارروائی کے دوران ایک امریکی فوجی ہلاک ہو گیا ہے۔ اس امریکی فوجی کی شناخت ظاہر نہیں کی گئی ہے اور نہ ہی یہ بتایا گیا ہے کہ یہ افغانستان میں کس مقام پر ہلاک ہوا۔ رواں ماہ کے آغاز پر مشرقی افغانستان میں ایک داخلی حملے میں ایک امریکی فوجی ہلاک اور دوسرا زخمی ہو گیا تھا۔ گزشتہ ماہ قندھار میں مقامی گورنر کے ایک کمپاؤنڈ پر حملے میں افغانستان میں تعینات امریکی جنرل کے زخمی ہونے کی اطلاعات سامنے آئی تھی، جب کہ اس واقعے میں افغانستان میں نیٹو فورسز کی کمان کرنے والے امریکی جنرل جنرل اسکاٹ ملر محفوظ رہے تھے۔
