امریکی صدر ڈونلڈ ٹرمپ نے کہا ہے کہ شام سے امریکی دستوں کے انخلاء کے بعد ترک صدر ایردوآن مشرق وسطیٰ کی اس جنگ شدہ ریاست میں دہشت گرد تنظیم داعش کے خلاف جنگ تیز تر کر دیں گے۔ ٹرمپ نے اتوار کو رات گئے ٹوئٹر پر اپنے ایک پیغام میں کہا کہ شام میں ’اسلامک اسٹیٹ‘ یا داعش کی بچی کھچی طاقت کا خاتمہ اب رجب طیب ایردوآن کریں گے۔ ٹرمپ کے مطابق ترک صدر ایردوآن نے انہیں واضح طور پر بتایا ہے کہ شام میں داعش کا خاتمہ اب ترکی کرے گا۔ اس ٹویٹ سے قبل امریکی اور ترک صدور نے آپس میں ٹیلی فون پر گفتگو بھی کی۔
