ریڈیو پاکستان کے شعبہ پروگرام کا دانشمندانہ فیصلہ

کچھ عرصہ پہلےریڈیو پاکستان کے شعبہ پروگرام نے اپنے ساٹھ سال اور اس سے زیادہ عمر کے جزوقتی ملازمین کے مائیک پر آنے کی پابندی کا حکم نامہ جاری کیا تھاجس کے بعد سے ملک بھر کے نشریاتی مراکز پر اپنی زندگی قومی ادارے کو دینے والے لوگوں میں سراسیمگی پھیل گئی تھی اور مختلف حلقوں سے ریڈیو پاکستان سے اس فیصلے پر نظر ثانی کی درخواست کی تھی جسے اب پذیرائی ملی ہے اور ڈائریکٹر پروگرام کے دستخطوں سے نیا آرڈر جاری کیا گیا ہے جو تمام نشریاتی مراکز کو مل چکا ہے

اس آرڈر کا عکس دیکھا جا سکتا ہے

اس کے مطابق طویل عرصے سے ریڈیو پاکستان کے لیئے خدمات سرانجام دینے والے ساٹھ سال اور اس سے زیادہ عمر کے افراد پر عائد مائکروفون کی پابندی ختم کی جا رہی ہے اور اب نشریاتی مراکز انہیں اپنی ضرورت کے مطابق بکنگ دے سکیں گے

متاثرہ ملازمین نے اس اقدام کو سراہتے ہوئے سکھ کا سانس لیا ہے اور ڈائریکٹر پروگرام کے علاوہ اس اقدام میں شامل دیگر افسران کا شکریہ ادا کیا ہے