عیدالاضحی کے موقع پر فرزندان اسلام سنت ابراہیمی کی پیروی کرتے ہوئے قربانی کرتے ہیں اس حوالے سے بیوپاری بڑے اورخوبصورت جانور منڈی میں فروخت کے لیے لاتے ہیں اور انکا مہنہ مانگا دام وصول کرتے ہیں لیکن اس سال مہنگائی کی وجہ سے جانور تو بکنے کے لیے آئے ہیں لیکن انکی ہوشربا قیمت اداکرنے والاخریدار موجود نہیں ہے۔
خریداروں کا کہنا ہے کہ اس سال مہنگائی نے انکی کمر توڑ کررکھ دی ہے اور قربانی کے جانوروں کو انکی پہنچ سے دور کر دیا ہے ایک سفید پوش آدمی کے لیے قربانی کی سنت ادا کرنا مشکل ہی نہیں ناممکن ہوتا جارہا ہے۔ خریداروں کا کہنا ہے کہ خوبصورت اور قیمتی جانور خریدنا تو درکنار وہ ایک عام سا جانور بھی خریدنے کی استعداد کھو بیٹھے ہیں۔
مہنگائی سے قربانی کے جانوروں کی قیمتوں میں بے پناہ اضافہ ہوا ہے اور قربانی کرنا لوگوں کی پہنچ سے باہر ہوتا جارہا ہے
