لاہور ہائیکورٹ ملتان بینچ نے پنجاب بھر کے سیشن ججز اور اسپیشل کورٹس کو 9 مئی واقعات کے ملزمان کی شناخت پریڈ کا عمل 48 گھٹنوں میں مکمل کرانے کی ہدایت کردی۔
پاکستان تحریک انصاف کے چیئرمین عمران خان کی اسلام آباد ہائی کورٹ سے نیب نے رینجرز کی بھاری نفری کی مدد سے گرفتار کیا تھا، جس کے بعد 9 مئی کو پی ٹی آئی کارکنوں نے پرتشدد احتجاج کیا، جس میں عسکری، سرکاری اور نجی املاک پر حملے بھی کئے گئے تھے۔
لاہور ہائی کورٹ ملتان بینچ نے 9 مئی واقعات میں ملوث ملزمان کی شناخت پریڈ میں تاخیر پر برہمی کا اظہار کرتے ہوئے پنجاب بھر کے سیشن ججز اور اسپیشل کورٹس کو شناخت پریڈ کا عمل 48 گھٹنے میں مکمل کرانے کی ہدایت کردی۔












