ایران نے اس برطانوی فیصلے کی مذمت کی ہے، جس میں لندن حکومت نے حزب اللہ کے سیاسی ونگ کو ممنوعہ قرار دے دیا ہے۔ ہفتے کے دن تہران حکومت نے تحفظات کا اظہار کرتے ہوئے کہا کہ ’یہ ایک غلط اور غیر ذمہ درانہ‘ اقدام ہے۔ برطانوی حکومت کے فیصلے کے مطابق اب اس شیعہ تنظیم کی رکنیت حاصل کرنا یا اس کے لیے چندہ جمع کرنا ایک جرم ہو گا۔ برطانیہ نے اس لبنانی تنظیم کے عسکری دھڑے کو سن دو ہزار آٹھ میں کالعدم قرار دیا تھا۔
