کمیونسٹ پارٹی آف چائنا کی راہنمائی میں عوامی جمہوریہ چین اشتراکی ترقی کے سفر پر رواں دواں ہے۔ چین نہ صرف اپنی عوام کی ترقی کی بات کرتا ہے بلکہ بنی نوع انسان کی مشترکہ ترقی پر زور دیتا ہے۔ اسی ترقیاتی تصور کے تناظر میں چین کے صدر مملکت شی جن پھنگ نے پہلے دی بیلٹ اینڈ روڈ انیشیٹو اور گلوبل ڈویلپمنٹ انشیٹو اور پھر گلوبل سکیورٹی انشیٹو پیش کیا۔ مشترکہ خوشحالی کا یہ تصور کیا ہے اس حوالے سے سی پی سی کی بیسویں مرکزی کمیٹی نے ایک پریس کانفرنس منعقد کی اور مشترکہ خوشحالی کے بارے سے کہا کہ چینی طرز کی جدیدیت تمام لوگوں کے لیے مشترکہ خوشحالی کی جدیدیت ہے۔ چینی خصوصیات کے حامل سوشلسٹ نظام کی بنیاد اور اس کا جوہر ، چین میں امیر اور غریب کے مابین زیادہ فرق کو قبول نہیں کرسکتا ۔ یہ ضروری ہے کہ تمام لوگوں کو اچھی زندگی گزارنے کے قابل بنایا جائے، انہیں اپنی صلاحیتوں کے مطابق ملک کی جدیدیت کے عمل میں حصہ لینے کا موقع ملے، اور قومی ترقی کے ثمرات کو اپنی شراکت سے تمام افرادِ معاشرہ میں بانٹیں۔ چینی قیادت سمجھتی ہے کہ مشترکہ خوشحالی کو فروغ دینے کے لئے، ہمیں کیک بنانے اور کیک تقسیم کرنے کے درمیان تعلقات کو مناسب طریقے سے حل کرنا ہوگا. ایک طرف ، ہمیں کیک کو بڑا اور بہتر بنانے کے لئے مل کر کام کرنا ہوگا۔ دوسری طرف، یہ ضروری ہے کہ ترقی کے دوران دولت جمع کرنے کے طریقہ کار کو معیاری بنانے، اور پولرائزیشن کو روکنے کے لئے عقلی ادارہ جاتی انتظامات کے ذریعے کیک کو اچھی طرح سے تقسیم کیا جائے.
عہد حاضر میں عوامی جمہوریہ چین کی ترقی کو سمجھنے کے لیے کمیونسٹ پارٹی آف چائنا کو سمجھنا لازمی ہے۔سی پی سی کی حال ہی میں اختتام پذیر ہونے والی 20 ویں قومی کانگریس نے آگے بڑھنے کے راستے کی نشاندہی کی ہے اور نئے عہد اور نئے سفر میں دوسرے صد سالہ ہدف کو حاصل کرنے میں چین کے لئے ترقی کی سمت کی نشاندھی کی ، اور بین الاقوامی برادری کو سی پی سی کی حکمرانی کو مزید سمجھنے کا ایک اہم موقع بھی فراہم کیا ہے۔23 اکتوبر کی دوپہر کمیونسٹ پارٹی آف چائنا کی 20 ویں مرکزی کمیٹی کے سیاسی بیورو کی قائمہ کمیٹی کے نو منتخب ارکان نے چینی اور غیر ملکی صحافیوں سے ملاقات کی۔ سی پی سی کی مرکزی کمیٹی کے جنرل سیکریٹری شی جن پھنگ نے اپنی تقریر میں نئے عہد اور نئے سفر میں سی پی سی کے مرکزی کام کی وضاحت کرتے ہوئے بہتر زندگی کے لیے عوام کی امنگوں کو پورا کرنے اور چین کی اپنی ترقی سے دنیا کے لیے مزید مواقع پیدا کرنے کی ضرورت پر زور دیا۔
گزشتہ ایک دہائی میں مطلق غربت کے مسئلے کے تاریخی حل اور ہمہ جہت انداز میں معتدل خوشحال معاشرے کی تعمیر سے لے کر ایک جدید سوشلسٹ ملک کی جامع تعمیر اور مشترکہ خوشحالی کے ہدف کی جانب بڑھنے کے نئے سفر کے آغاز تک ہمہ گیر عوامی طرز جمہوریت نے بھرپور توانائی اور مضبوط قوت کا مظاہرہ کیا ہے۔دنیا متنوع ہے، اور جمہوریت کا ماڈل کبھی بھی یکسان نہیں ہے ۔ صرف ایک ایسا جمہوری نظام جو کسی بھی ملک کے قومی حالات کے مطابق ہے وہ ہی سب سے زیادہ قابل اعتماد اور موثر ہوگا۔ جامع طور پر ایک جدید سوشلسٹ ملک کی تعمیر کے نئے سفر پر، سی پی سی اس ہمہ گیر عوامی طرز جمہوریت اور انسانی سیاسی تہذیب کو فروغ دینے میں چینی شراکت جاری رکھے گی۔
ہمہ گیر عوامی طرز جمہوریت کا جوہر سوشلسٹ جمہوریت ہے جس میں مرکز پورے چینی عوام ہیں، اور خصوصیات اور فوائد اس پورے عمل میں پوشیدہ ہیں. یہ جمہوری ماڈل جمہوری انتخابات، جمہوری مشاورت، جمہوری فیصلہ سازی، جمہوری نظم و نسق اور جمہوری نگرانی کو یکجا کرتا ہے، تاکہ عوام کی آواز سنی جا سکے اور ملک کی سیاسی اور سماجی زندگی کے تمام امور میں اس کی عکاسی کی جا سکے۔ یہ جامع اور ہمہ گیر جمہوری ماڈل چینی عوام کو صحیح معنوں میں اپنے ملک کا مالک بننے کی اجازت دیتا ہے۔ کمیونسٹ پارٹی آف چائنا کی 20 ویں قومی کانگریس کے آغاز کے موقع پر جب سی پی سی کی مرکزی کمیٹی کے جنرل سیکرٹری شی جن پھنگ نے 19 ویں مرکزی کمیٹی کی جانب سے کانگریس میں ایک رپورٹ پیش کی تو انہوں نے ہمہ گیر عوامی طرز جمہوریت کی خصوصیات اور فوائد کو جامع انداز میں بیان کیا اور نئے عہد میں ملک کی ترقی کے لیے سوشلسٹ جمہوری سیاست کی سمت کی نشاندہی کی۔ اس سے بین الاقوامی برادری چین میں جمہوری قدروں کے معیار کا بخوبی مشاہدہ کر سکتی ہے
