پاکستان سپر لیگ سیزن فور کے 23 ویں میچ میں کوئٹہ گلیڈی ایٹرز نے پشاور زلمی کو بآسانی 8 وکٹوں سے شکست دے کر پوائنٹس ٹیبل پر پہلی پوزیشن حاصل کرلی۔
پشاور زلمی نے پہلے بیٹنگ کرتے ہوئے چار وکٹوں کے نقصان پر 166 رنز بنائے، کوئٹہ گلیڈی ایٹرز نے ہدف 17 اعشاریہ 4 اوورز میں صرف 2 وکٹوں کے نقصان پر حاصل کرلیا۔
شین واٹسن نے ناقابل شکست دھواں دار بیٹنگ کرتے ہوئے 55 گیندوں پر 91 رنز بنائے، ان کی اننگز میں چار چھکے اور سات چوکے شامل تھے۔
احمد شہزاد نے شین واٹسن کا بھرپور ساتھ دیا اور 50 رنز بنائے۔
صرف 5 رنز پر اوپنر احسن علی کے آؤٹ ہونے کے بعد شین واٹسن اور احمد شہزاد نے دوسری وکٹ کی شراکت میں 129 رنز بناکر ٹیم کی جیت کو یقینی بنایا۔
پشاور زلمی کے سمین گل اور عمید آصف نے ایک، ایک وکٹ حاصل کی۔
