پاکستان پیپلز پارٹی کے چیئرمین بلاول بھٹو زرداری سے جمعیت علماء اسلام کے رہنما مولانا اسد الرحمان اور مولانا عبدالغفور حیدری نے ملاقات کی ہے۔

زرداری ہاؤس اسلام آباد میں ہونے والی ملاقات میں سابق وزیراعظم راجا پرویز اشرف اور سید خورشید احمد شاہ بھی موجود تھے۔

اسی دوران
بلاول بھٹو سے ملاقات سے متعلق سوال پر مریم نواز نے کہا کہ بلاول بھٹو سے سینیٹ کے چئیرمین کی تبدیلی، ان ہاؤس تبدیلی اور حکومت کے خلاف احتجاج پر بات چیت ہوئی، بہت جلد اپوزیشن جماعتوں کی اے پی سی ہوگی اور اس میں تمام معاملات پر گفتگو ہوگی۔

ان کا کہنا تھا کہ اس نااہل اور نالائق حکومت کی وجہ سے عوام پر جو مشکلات آگئی ہیں، انہیں ان مشکلات سے نکالنے کے لیے حکومت کے خلاف مزاحمت کرنے پر بھی بلاول سے بات ہوئی چیت ہوئی۔

سابق وزیراعظم کی صاحبزادی کا کہنا تھا کہ میرا تو یہی خیال ہے کہ اپوزیشن جماعتیں حکومت کی پالیسیوں کے خلاف عوام کے مسائل کی درست عکاسی نہیں کررہیں، اگر وہ عوام کی توقعات پر پورا نہیں اتریں گی تو انہیں بھی بہت جلد عوام کے غیظ و غضب کا سامنا کرنا پڑے گا۔

انہوں نے کہا کہ میرے پاس ڈرنے کے لئے کچھ نہیں ہے، ہم نے جب سے سیاست شروع کی تب سے سزائیں کاٹ رہے ہیں،میں نے سب دیکھ لیا ہے، میرا پورا شیڈول تیار ہے اور اب میں عوام میں نکلوں گی۔

وفاقی بجٹ پر تبصرہ کرتے ہوئے مریم نواز کا کہنا تھا کہ بجٹ کی وجہ سے عوام مہنگائی کی چکی میں پس کر رہ گئے ہیں، عام آدمی کی زندگی مشکلات کا شکار ہوگئی ہے۔ بجٹ کو جو منظور کروائے گا وہ عوام کی عدالت میں مجرم ٹھہرے گا۔

انہوں نے کہا کہ حکومت کو بجٹ منظور کروانے میں بہت مشکلات کا سامنا ہے کیونکہ جس طرح اپوزیشن کے ارکان کو چن چن کر گرفتار کیا جارہا ہے، پکڑ دھکڑ کی جارہی ہے،اس سے تو یہی لگ رہا ہے کہ حکومت کو خدشہ ہے کہ بجٹ منظور نہیں ہوسکے گا، اس موقع پر اپوزیشن کو چاہیے کہ وہ حکومت ٹف ٹائم دے۔

SHARE

LEAVE A REPLY