چین نے امریکا اور ایران سے کشیدگی ختم کرکے اسلام آباد مفاہمتی یادداشت کے تحت مذاکراتی عمل دوبارہ شروع کرنے اور جلد از جلد آبنائے ہرمز کھولنے کے موثر اقدامات کا مطالبہ کیا ہے۔
چین نے ایران کے خلیجی ممالک سے رابطوں اور خلیجی ممالک کی ایک دوسرے کی علاقائی خود مختاری اور قومی سلامتی کا احترام کرنے کی حمایت کا بھی اظہار کیا۔
بیجنگ میں چینی وزیر خارجہ وانگ یی نے ایرانی وزیر خارجہ عباس عراقچی سے ملاقات میں گفتگو کرتے ہوئے کہا کہ چین علاقائی کشیدگی کا یمن اور بحیرۂ احمر تک پھیلاؤ نہیں چاہتا۔
انھوں نے کہا کہ چین علاقائی ممالک کی جانب سے موجودہ سیکیورٹی ڈھانچے میں تبدیلی کی حمایت کرے گا۔
چینی وزیر خارجہ نے کہا انکا ملک ایران کے جائز حقوق اور مفادات کے تحفظ کے لیے بات چیت اور تعاون مضبوط بنانے کے لیے تیار ہے۔
