ترجمان دفترخارجہ سجادحیدر نے ہفتہ وار بریفنگ میں کہا کہ پاکستان مکہ اور مدینہ کےعلاقوں پرحوثی بیلسٹک میزائل حملوں کی مذمت کرتا ہے۔
ترجمان کا کہنا تھا سعودی عرب کی خودمختاری اور علاقائی سالمیت کےخلاف اقدام ناقابل قبول ہے، حملے مقدس مقامات کی حرمت اور شہریوں کی سلامتی کی صریح خلاف ورزی ہیں۔
سجادحیدر نے کہا کہ پاکستان نےسعودی عرب کےساتھ غیرمتزلزل یکجہتی اورحمایت کا اعادہ کیا۔













