نیلامی کا لفظ یوں ہی ہمیں خوفناک سا لگتا ہے کہ ہمارے ہاں زیادہ تر نیلامی کا لفظ ضمیر کی نیلام یا عزت نیلام ہونے سے منسلک ہے لیکن سچ تو یہ ہے کہ کبھی کبھی تو دو پیسے کا پرانا بیکار سکہ بھی کروڑوں میں نیلام ہو جاتا ہے
یقین نہ آئے تو یہ خبر پڑھ لیجئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کینیڈین تاجر نے ایک ‘‘ڈائم’’ یعنی دس سینٹ مالیت کا نایاب سکّہ 13 لاکھ 20 ہزار ڈالر میں خرید لیا، پاکستانی روپوں میں یہ رقم تقریباً 21 کروڑ روپے بنتی ہے۔
میڈیا رپورٹ کے مطابق 1894 میں سان فرانسسکو کی سرکاری ٹکسال میں 10 سینٹ مالیت کے صرف 24 سکّے ڈھالے گئے تھے جن میں سے اس وقت صرف 9 سکّے ہی باقی رہ گئے ہیں۔ ان ہی میں سے ایک نایاب سکّہ گزشتہ ہفتے شکاگو میں نیلام ہوا جسے کینیڈا کے تاجر ڈیل لوئے ہینسن نے 13 لاکھ 20 ہزار ڈالر میں خریدا۔
ایک ڈالر سے بھی کم مالیت کے سکے کیلئے 13 لاکھ ڈالر خرچ کر دینا ویسے تو مناسب نہیں لگتا لیکن کیا کہیں شوق کے جو نہ پیسہ دیکھتا ہے نہ عقل و دلیل مانتا ہے، بس کسی طرح شوق پورا ہونا چاہئے۔
ڈاکٹر نگہت نسیم
