نزاکت میں نے آقا کے لیئے لکھنا ہے جب چاہا

مری قسمت مرے مولا قصیدہ آپکا لکھا
جو کم سے کم بھی لکھا ہے تو محبوب خدا لکھا

فقط اک آپ ہی کی ذات ہے رحمت جہانوں پر
کسے اللہ نے قرآن میں ہے آپ سا لکھا

یہ قرآں آپکی توصیف کا دیوان ہے سارا
کبھی شمس الضحیٰ لکھا کبھی بدر الدجیٰ لکھا

یہ سچ ہے مصطفیٰ کی ذات کا سایہ نہ تھا لیکن
خدا نے آدمیت کے لیئے پھر بھی قبا لکھا

پہنچ اہل قلم کی اتنی تھی شان محمد میں
لکھا خوشبو کبھی گُل اور کبھی باد صبا لکھا

کرم اللہ کا ہے خاص کہنا نعت آقا کی
یہی وہ وصف ہے جس کو قلم نے معجزہ لکھا

نزاکت میں نے آقا کے لیئے لکھنا ہے جب چاہا
فقط صلی الہ صلی الہ صلی الہ لکھا

نزاکت شکیلہ