مفسر قرآن، خطیب بے بدل علامہ طالب جوہری کی وفات پر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جوہر تھے وہ گوہر تھے وہ قرآں کے مفسر
وہ عالم دیں فلسفی اور یکتا سخن ور
صفدر وہ خطیب آل محمد کے تھے ذاکر
روتے ہیں عزا خانے تو خاموش ہے منبر
۔۔
فلک ہے آبدیدہ گُم ستارے
لکھے قسمت میں تھے صفدر خسارے
در جنت پہ یہ رضواں پکارے
جناں میں آ گئے طالب ہمارے
۔۔
پھول خوشبو اور صبا گریہ کُناں
نُطق چُپ ہے اور صدا گریہ کُناں
دل میں صفدر اک بپا کہرام ہے
حد تو یہ فرش عزا گریہ کُناں
۔۔
علم کی عزت ہیں طالب جوہری
فہم کی رفعت ہیں طالب جوہری
خُلد میں صفدر ہوا اعلان آج
داخل جنت ہیں طالب جوہری
۔۔
علم کے روشن ستارے الوداع
الوداع ہم سب کے پیارے الوداع
سینہ زن روتا ہوا صفدر قلم
مجلس و منبر پکارے الوداع
صفدر ھمدانی













