شاہین رضوی ایک کہنہ مشق تخلیقکار ہیں اور برسوں سے شاعری کی مختلف اصناف سخن میں تخلیق کر رہی ہے۔ اس برس انہوں نے مختصر مرثیہ کہنے کا تہییہ کیا ہے جسکے روزانہ دو بند سوئم امام تک عالمی اخبار میں طبع ہونگے۔ ادارہ انکی صحت و سلامتی کے لیئے دعا گو ہے
ادارہ عالمی اخبار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اللہ کے رسول کا کردار ہیں حسین
1
شاھین لکھ رھی ھے مدینے کا آج حال
ایسے میں آرہا ہے میرے دل میں ایک سوال
دل کو یہ سوچ سوچ کر ہونے لگا ملال
آنے لگا ہے آل محمد کا جب خیال
آنکھوں سے اشک بہنے لگے دل مسل گیا
ایسے لگا کہ سانس بدن سے نکل گیا
2
دل ہے اداس روح مری بے قرار ہے
ایسے میں گریہ زاری پہ کب اختیار ہے
ماہ عزا بھی سینہ زنی کی بہار ہے
آل نبی پہ ایسے میں بس اعتبار ہے
نوک قلم سے خون کے قطرے رواں ہوئے
ہم ہیں زمیں پہ لفظ مگر آسماں ہوئے
جاری ہے
