ثمن ذوالفقار پاکستان کرکٹ بورڈ (پی سی بی) کی پہلی اور اب تک کی واحد خاتون میچ ریفری ہیں، وہ ڈومیسٹک کی سطح پر ویمن کرکٹ میچز باقاعدگی سے سپروائز کر رہی ہیں۔
پاکستان کی پہلی خاتون کرکٹ میچ ریفری نے جیو نیوز سے خصوصی گفتگو کرتے ہوئے کہا کہ میں 2016 سے میچ ریفری کے فرائض انجام دے رہی ہوں، پاکستان کرکٹ بورڈ نے ایک پلیٹ فارم مہیا کیا اور میں باقاعدہ طور پر پی سی بی میچ ریفری پینل کے ذریعے آگے آئی ہوں، میں اس وقت اکیلی خاتون میچ ریفری ہوں، میرے مقابلے پر اس وقت کوئی نہیں ہے۔
ثمن ذوالفقار نے کہا کہ اس فیلڈ میں آنا خواتین کے لیے اتنا آسان نہیں ہے، مشکل فیلڈ ہے، خاص طور پر اگر میں اپنی بات کروں تو مجھے کئی مشکلات کا سامنا کرنا پڑتا ہے، مجھے سخت محنت کرنا پڑتی ہے۔
,,,,,,,,,,,,,,,,,,,,,,,
پاکستان میں پہلی خاتون میچ ریفری ثمن ذوالفقار کاکہنا ہے کہ ملک میں کرکٹ کی پہلی میچ ریفری بننا میرے لیے اعزاز ہے، یہ موقع دینے پر پی سی بی کی شکر گزار ہوں۔
ثمن ذوالفقار کا شمار پاکستان میں نئی تاریخ رقم کرنے والی خواتین میں ہوتا ہے ، وہ اس سال بھی ڈومیسٹک کرکٹ سیزن کے ریفری پینل میں واحد خاتون میچ ریفری ہیں ۔
ضلع قصور کے مشہور قصبے الہ آباد سے تعلق رکھنے والی ملک کی پہلی خاتون میچ ریفری ثمن ذوالفقار اپنا شوق پورا کرنے کے لیے کرکٹ میچ ریفری کے شعبے سے وابستہ ہیں ۔
انہوں نے اسپورٹس سائنسز میں ماسٹرز کرنے کے دوران اپنی دلچسپی کرکٹ میں بڑھتی محسوس کی ، تعلیم کے دنوں میں کرکٹ تو کھیلی اور امپائرنگ کے کورس کے بعد ریفری شپ کی طرف آ گئیں۔
ثمن ذوالفقار نے میڈیا سے بات کرتے ہوئے بتایا کہ ان کا اگلا ہدف پی ایس ایل اور انٹر نیشنل میچز سپر وائز کرنا ہے۔
ان کاکہنا ہے کہ پی سی بی خواتین کے لیے مواقع فراہم کر رہا ہے اور اس سے فائدہ اٹھانا چاہیے۔
