مرشدعالم کی ہرممکن مدد ہوگی ۔سفیرپاکستان خالدعثمان قیصر

0
376

پاکستانی برادری کی مدد اورہر ممکن تعاون کو اپنے وسائل کے مطابق کوئی کسر اٹھا نہیں رکھیں گے مرشد عالم کی مدد کے لیے بھرپورتعاون کررہے ہیں اس بات کا اعادہ سفیر پاکستان خالد عثمان قیصر نے پاکستانی وفد سے گفتگومیں کیا۔پاکستانی برادری کے ایک نمائندہ وفد جن میں سماجی کارکن وصحافی مرزا جاوید اقبال،معروف عالمی ابلاغ کے اداروں سے وابستہ صحافی سکندرریاض چوہان،کراچی سے تعلق رکھنے والے معروف سماجی کارکن خالدمغل اور دیگر شامل تھے نے کراچی کے ایک پاکستانی مرشدعالم کی علالت اور اس کی پاکستان روانگی سے متعلق سفیر پاکستان خالد عثمان قیصر کو تفصیلات اور درپیش مسائل سے آگاہ کیا۔سفیر پاکستان نے وفد کی موجودگی میں اپنے سفارتی عملے کو ضروری ہدایات کے علاوہ یونان کی مختلف سماجی وپناہ گزین تنظیموں کےسربراہان سے فون پر رابطہ کرکے ان سے فوری تعاون کا وعدہ لیا۔سفیر پاکستان کی بھرپور کاوش اور تعاون پر وفد نے ان کا شکریہ ادا کیا اورامید ظاہر کی کہ وہ اسی طرح پاکستانی برادری کے مسائل کے حل کے لیے اپنا تعاون جاری رکھیں گے۔

دوسری طرف سفیر پاکستان خالد عثمان قیصر کی عالمی وقومی ذرائع ابلاغ سے وابستہ صحافی ومصنف سکندرریاض چوہان سے ایک خصوصی ملاقات کی جس میں یونان میں مقیم پاکستانی برادری کو درپیش مسائل،تعلیم،صحت اور یونانی قوانین سے متعلق امور پر تبادلہ خیال کیاگیا۔اس موقع پر سیر پاکستان خالد عثمان قیصر نے کہاکہ یونان خطے کاایک اہم ملک ہے جس کے ساتھ ہمارے تعلقات کو مزید فروغ ملنا چاہیے۔انھوں نے اس موقع پر تمام پاکستانی برادری سے اپیل کی کہ وہ پانچ فروری کو یوم یک جہتی کشمیر کے پروگرامزمیں شرکت کریں اوراپنے کشمیری بھائیوں کے لیے آوابلندکریں۔سفیر پاکستان کے ساتھ ایک تفصیلی انٹرویو کے حوالے سے بھی ملاقات طے پائی جس میں مختلف حالات وواقعات عالمی وقومی امور کے علاوہ یونان میں پاکستانی تارکین وطن کے حوالے سے گفتگوکی جائے گی جس کو پاکستانی ٹیلی ویژن اور اخبارات کے علاوہ سوشل میڈیاپر بھی نشرکیاجائے گا۔سکندرریاض چوہان نے سفیر پاکستان کو اپنی تصنیف بھی پیش کی۔

ایتھنز(مرزا جاوید اقبال)

SHARE

LEAVE A REPLY