سابق کرکٹر محمد یوسف نے پاکستان کرکٹ ٹیم کیلئے اپنی شمولیت کو اللہ کا نظام قرار دے دیا۔
حال ہی میں نجی میڈیا چینل کے ایک شو کے دوران میزبان نے محمد یوسف سے ان کے کرکٹ کیرئیر سے متعلق سوال کیا جس کے جواب میں سابق کوچ نے بتایا کہ میں نے کبھی نہیں سوچا تھا کہ میں پاکستان کرکٹ کھیلوں گا کیوں کہ اس وقت پاکستان کیلئے فرسٹ کلاس کرکٹ کھیلنا خاصا مشکل تھا۔
انہوں نے کہا کہ اس وقت میری فیملی بے حد غریب تھی، اتنی غریب کے گھر کا گزر بسر بھی خاصا مشکل تھا لیکن یہ سب اللہ کا نظام تھا جس کی مجھے آج تک سمجھ نہیں آئی، میں پاکستان ٹیم کیلئے کیسے منتخب کرلیا گیا یہ سب کیسے ہوا۔
