یورپی کمیشن کے صدر ڈونلڈ ٹسک نے آج برطانوی وزیر اعظم ٹریزا مے سے ملاقات کی ہے۔ اس دوران دونوں رہنما بریگزٹ مذاکرات کے لیے لائحہ عمل پر گفت گو کی۔
یورپی پارلیمان نے گزشتہ روز ہی ان مذاکرات کے لیے سخت رہنما ضوابط کی منظوری دی تھی۔ ان ضوابط کے مطابق بریگزٹ کا عمل مختلف مراحل میں مکمل کیا جائے گا اور برطانیہ سے مطالبہ کیا جائے گا کہ وہ یونین کو ساٹھ بلین یورو کی ادائیگی بھی کرے۔
یورپی پارلیمان کے ارکان کا یہ بھی کہنا تھا کہ یونین کے باقی ممالک بریگزٹ کا حتمی عمل طے ہونے سے قبل برطانیہ سے کوئی دو طرفہ معاہدہ نہیں کریں گے۔
