ایرانی صدر مسعود پزشکیان نے کہا ہے کہ قطر میں منجمد 6 ارب ڈالر کے اثاثے جلد ایران کو واپس کر دیے جائیں گے۔
ایرانی شہر قم کے دورے کے دوران مسعود پزشکیان نے کہا کہ امریکا ایران مفاہمتی یاداشت کے تحت تیل اور پیٹروکیمیکل پر عائد پابندیوں کے خاتمے کے بعد اب قطر میں منجمد ایران کے 12 ارب ڈالر کے اثاثوں میں سے 6 ارب ڈالر ایران کو واپس کر دیے جائیں گے۔
انہوں نے کہا کہ منجمد اثاثوں کا اجرا اور پابندیوں کے خاتمے کا فیصلہ سوئٹزرلینڈ میں ہونے والے مذاکرات اور اسلام آباد مفاہمتی یادداشت کے تحت طے پانے والے فریم ورک کا حصہ ہے۔
ایرانی صدرنےایک بار پھر واضح کیا کہ ایران جوہری ہتھیار حاصل کرنے کا خواہاں نہیں، ایران کی جوہری سرگرمیاں ملکی ضروریات کے مطابق اور اعلان کردہ پالیسیوں کے دائرے میں رہیں گی۔
