خواتین کے حقوق اسلام میں۔۔۔شمس جیلانی
یہ مسلمہ حقیقت ہے چونکہ غلبہ ہمیشہ سے مردوں کا رہا لہذا خواتین کو کبھی بھی پوری طرح ان کے حقوق نہیں ملے؟اسلام نے پہلی دفعہ انہیں برابری کے حقوق عطا کیئے مگر سماجی روایات ان پر حاوی رہیں اور معاملات اسی طرح چلتے رہے؟خاص طور سے برصغیر ہندوستان میں؟ کیونکہ یہاں جو دوسرے مذاہب ہیں ان میں انہیں کمتر درجے کی مخلوق سمجھا جاتا تھا۔اور وہ خود اپنی صنف کی توہین کرتی تھیں مثلاً اپنی ساس کے برابر بہو نہیں بیٹھ سکتی تھی ساس پلنگ پر بیٹھتی تھیں تو بہو زمین پر بیٹھتی تھی؟
اسلام نے ان کو سب جگہ برابر کے حقوق دیئے اور انہیں جنس کے بجا ئے انسان کا درجہ دیا۔ صرف دو جگہ فرق رکھا ایک وراثت میں کہ لڑکے مقابلہ میں لڑکی کا حصہ نصف رکھا؟ اور دوسرا گواہی ایک کے بجا ئے دو کی رکھی؟ جس میں مصلحت یہ تھی اسلام میں کمانا کھلانا پلانا اور رہائش دینا سب کچھ مرد کے ذمہ ہے عورت کے ذمہ کچھ نہیں ہے۔سوائے اس کے کہ شوہر جب اس کی طرف دیکھے تو وہ خوش کردے اور اس کی عدم موجودگی اس کے گھر اور ناموس کی حفاظت کرے۔ حتیٰ کہ وہ اپنے نوزائیدہ بچے کو دودھ پلانے کی بھی پابند ن÷÷ہیں ہے اگر وہ چاہے توپلائے ورنہ اسکا انتطام بھی شوہر کریگا۔دوسرے گواہی میں دو کی شرط کیوں رکھی؟ اس کی وجہ یہ تھی کہ وہ ہر ماہ ایسے دور سےگزرتی ہے کہ اس کی یادشت متاثر ہوتی ہے۔ پھر یہاں بھی مردوں ک دبدبے کا مسئلہ تھا اگرایک عورت شوہر یا خاندان کے دباؤ کا شکار ہو جا ئے تو دوسری سچ کہدے؟لیکن مخالفین اسی کو لے ا ُڑے اور باقی حقوق کی بات ہی نہیں کی؟ کم و بیش یہ ہی صورت حال دنیا بھر میں موجود ہے۔ دعوے بہت ہیں مگر اندر جھانک کردیکھیں گے توصورت حال وہی ہے؟ جبکہ مسلمانوں میں ہونا یہ چاہیئے تھا کہ چونکہ وہ اپنی مرضی سے باقی سارے کام کر رہی ہیں حضورﷺ کی طرح انکا ہاتھ بٹاتے جو کہ مقامی رسم رواج کے تحت کر رہی ہیں تو خاوند اور اہلِخانہ انکے احسان مند ہوتے؟
کم از کم جزاک اللہ کہدیا کرتے جو حضورﷺ کاحکم کہ اپنے محسن کا احسان چکانے کے لیئے تمہارے پاس کچھ نہ ہو ت جزاک اللہ کہدیا کرو؟ مگر یہاں ایسا بھی نہیں ہے؟ جبکہ حضورﷺ گھریلو امور میں بھی انکا ہاتھ بٹاتے تھے۔اور اسلام نے انہیں کہیں بھی گھر کام کاج کے لیئے پابند نہیں کیا ہے؟ لہذا انہیں یہ اختیار ہے کہ وہ چاہیں تو گھر کا کام کریں ورنہ بچوں کو دودھ بھی نہ پلائیں؟ اگر ایسا کریں تو ان کا ثواب دگنا ہے اس لیئے ہوجا ئے گا کہ یہ پھر صلہ رحمی میں آجا ئیگا یعنی اپنوں پہ مال خرچ کرنے یا وقت صرف کرنے کاثواب دگنا ہے خصوصاً وہ خواتین جو ملازمت کر رہی ہیں اگر وہ اپنی آمدنی رضاکارانہ طور پر گھر اوربچوں پر خرچ کریں تو دگنا ثواب ہوگا۔اس کی مثال میں پیش کر کے بات کو ختم کرتا ہوں؟ حضرت عبد اللہ مسعود ؓکی بیگم صاحبہ ؓ زینب بنت معاویہ کوچا ر ہنر آتے تھے؟ جس سے انکے گھر کا خرچہ چلتا تھا؟ وہ خود سارا دن حضور ﷺ کے پاس رہ کر دین کام کرتے رہتے تھے۔ایک دن حضور ﷺ نے اپنے خطبہ میں اللہ کی راہ میں خرچ کر نے پر بڑا ثواب بتا یا تو وہ بہت رنجیدہ ہوئیں اور ان سے کہا کہ میں تو سب تمہارے بچوں پر خرچ کردیتی ہوں میرے پاس کچھ بچتا ہی نہیں ہے جو میں خیرات کروں؟ تو انہوں ؓ نے فرمایا کہ آج سے تم گھر اور بچوں پر خرچ کرنا بند کردو میرا اللہ مالک ہے۔ انہوں کہاایسے نہیں پہلے حضور ﷺ سےپوچھ کر آئیے؟ انہوں نے کہا پوچھنے بھی تمہیں جاؤ وہ تشریف لے گئیں حضورﷺ زنان خانہ میں تشریف فرماتھے۔وہاں جب یہ پہنچیں تو باہرایک انصاریہ خاتوں بھی پہلے سے ہی موجود تھیں اور وہ بھی یہ ہی مسئلہ پوچھنے ا ٓئیں تھیں۔حضرت بلال ؓباہر تشریف لائے تو انہوں نےؓ ان کے ذریعہ پوچھا توحضورﷺ نے فرما یا کہدو کہ انہیں دگنا ثواب ملے گاایک اللہ کے راہ میں خرچ کر نے کا دوسرا صلہ رحمی(اپنوں پر خرچ) کرنے کا۔ چونکہ اسلام میں ثواب نیتوں پرہے لہذا میرا مشورہ ہے جو خواتین جو کچھ رضاکارانہ طور کام کر رہی ہیں انکو اپنی محسنہ سمجھ کر مردوں کو جزاک اللہ کہنا چا ہیئے اور خواتین کو بجا ئے سماجی رسم سمجھ کر نے کے جس کا کوئی ماوضہ میرے علم میں نہیں ہے اگر ہوگا بھی تو سنگل ہوگا؟ اگروہ نیت تبدیل کرلیں کے ہم اللہ کے واسطے کر رہے ہیں تو یہ صدقہ ہو جا ئے گا جس کا ثواب ڈبل ہے۔جبکہ سارا کارو بار بھی چلتا رہے گا جیسا کہ ہمیشہ سے چلتاآرہا ہے۔












