قومی اسمبلی میں نئی امریکی افغان پالیسی کے خلاف قرارداد منظور

0
121

قومی اسمبلی میں بدھ کو نئی امریکی افغان پالیسی اور صدر ڈونلڈ ٹرمپ کے پاکستان پر الزامات کے خلاف متفقہ طور پر قرارداد منظور کرلی گئی۔

اجلاس قومی اسمبلی کے اسپیکر سردار ایاز صادق کی زیرصدارت ہوا، قرارداد وزیر خارجہ خواجہ آصف نے پیش کی جسے فوری منظور کرلیا گیا۔

وزیر خارجہ نے قرار داد میں کہا کہ قومی اسمبلی 21 اگست کی امریکی صدر ٹرمپ پالیسی کومسترد کرتی ہے۔

وزیر خارجہ خواجہ آصف نے کہا کہ ایوان کوئٹہ اور پشاور میں طالبان کی موجودگی کا امریکی دعویٰ بھی مسترد کرتا ہے۔

خواجہ آصف نے کہا کہ امریکی صدر اور افغانستان میں امریکی کمانڈر جنرل جان نیکلسن کے بیانات دھمکی آمیز ہیں، امریکی جنگ سے پاکستان کی معیشت کو اربوں ڈالر کا نقصان پہنچا۔

SHARE

LEAVE A REPLY