امریکی ماہرین نے دہی کو بلڈ پریشر کنٹرول میں معاون قرار دیدیا

0
362

امریکی ماہرین کا کہنا ہے کہ دہی کے باقاعدہ استعمال بلڈ پریشر کنٹرول کرنے میں مدد دیتا ہے،لاکھوں افراد پر کئی گئی جدید تحقیق کے مطابق جو خواتین و حضرات پھل ، سبزیاں اور پھلیاں کھاتے رہے، دہی کا استعمال ان کے بلڈ پریشر میں 31 فیصد کمی کی وجہ بنا۔

بوسٹن یونیورسٹی سکول آف میڈیسن کے سائنسدان جسٹن بیونڈا کے مطابق لاکھوں افراد پرکی جانے والے جدید تحقیق سے معلوم ہوا کہ دہی کا باقاعدہ استعمال بلند فشارِ خون کو 20 فیصد تک کم کرنے کی صلاحیت رکھتا ہے اور مردوں کے مقابلے میں خواتین پر اس کے زیادہ فوائد مرتب ہوتے ہیں ۔

جسٹن بیونڈا کے مطابق اگرچہ دہی جادوئی شے نہیں لیکن دہی کو خوراک میں شامل کرنے سے بلڈ پریشربڑھنے کا خطرہ کم کیا جاسکتا ہے۔

اس مطالعے میں 2 لاکھ 40 ہزار افراد شامل کئے گئے تھے، جن میں اکثریت 25 سے 55 سال کی خواتین شامل تھی جبکہ مردوں کی عمریں 40 سے 75 برس تھی۔

خیال رہے کہ دہی میں موجود ایک بیکٹیریا جسم پر مفید اثرات مرتب کرکے نہ صرف بلڈ پریشر قابو کرتا ہے بلکہ کولیسٹرول اور شکر کو بھی معمول پر رکھتا ہے اس کے ساتھ دیگر مطالعوں سے ثابت ہوا ہے کہ دہی امراضِ قلب اور ہڈیوں کی بریدگی (اسٹیوپروسس) سے بھی بچاتا ہے۔

SHARE

LEAVE A REPLY