پاکستان کے تاریخی شہر ٹیکسلا کی انجینرنگ یونیورسٹی کے ہال میں اکیس فروری کو ایک کامیاب تقریب منعقد ہوئی جو معروف شاعر ادیب عالمی اخبار کے مدیر اعلی اور ماہر نشریات صفدر ھمدانی کے قلمی سفر کی نصف صدی کے حوالے سے تھی
تقریب کا ایک حصہ عالمی اخبار کی بارہویں سالگرہ پر کراچی کی غزالہ رشید کویت کی شاہین اشرف علی لاہور کی دلشاد نسیم اور سڈنی کی ڈاکٹر نگہت نسیم کی تازہ کتابوں کی اشاعت کی تقریب اجرا تھی
تیسرے حصے میں محفل مشاعرہ ہوئی جس میں مقامی شعرا اور مہمان شعرا نے شرکت کی اور اس طرح دو گھنٹے کی تاخیر سے شروع ہونےوالی یہ تقریب رات گیارہ بجے ختم ہوئی
تقریب کی صدارت ٹیکسلا واہ کے بزرگ شاعر اور سوز خوان علی مطاہر اشعر نے کی جبکہ خاص مہمان اس شام کے محرک صفدر ھمدانی تھے اور مہمانان اعزازی شاہین اشرف علی نگہت نسیم اور فرحین چوہدری تھیں
اس تقریب کے روح رواں نوجوان صحافی نوید نقوی تھے جن سے دیگر تنظیموں نے بھی تعاون کیا تھا
نوید نقوی نے دن میں مہمانوں کو ٹیکسلا کے میوزیم اور کھنڈرات کی سیر کروائی جسکے بعد دوپہر میں ٹیکسلا کے عزا خانے بیت الحزن میں مرثیہ تصنیف نو محفل تھی جس سے مرثیہ نگار صفدر ھمدانی نے خطاب کیا
ان تقریبات کی تفصیلی رپورٹ بعد میں پیش کی جائے گی
