رو رو کے بلال کا نوحہ اب کہتا ہے آپ سے ابن علی

شبیر کا دل زینب کی ردا مولا عباس علم والے
ہیں حیدر صفدر کا چہرہ مولا عباس علم والے

اولاد پیمبر کا پردہ کہتے ہیں جنہیں سب اہل ولا
وہ بنت محمد کی ہیں دعا مولا عباس علم والے

خالق سے سفارش میری کریں اے ابن علی اےباب وفا
ہوں آپ کا خادم میں بھی شہا مولا عباس علم والے

اے جعفر و حمزہ کے ثانی اے فاتح خیبر کے جانی
اے نور ابوطالب کی ضیا مولا عباس علم والے

کلثوم و جناب زینب کا لکھتا ہوں میں نوحہ رو رو کر
ہیں یوں بھی مرے غمخوار سدا مولا عباس علم والے

سرور کے غلاموں میں شامل ہو نام ہمارا روز جزا
چاہتے ہیں یہی ہم اہل عزا مولا عباس علم والے

کلثوم و سکینہ کے صدقے محشر میں شفاعت کیجے گا
کہتے ہیں موالی صبح و مسا مولا عباس علم والے

رو رو کے بلال کا نوحہ اب کہتا ہے آپ سے ابن علی
لکھ دیجیئے مجھ کو اپنا گدا مولا عباس علم والے

کلام خاک نعلین آقا عباس ع
بلال رشید