حکومت پنجاب نے فیملی پنشن کا سابقہ قانون بحال کر دیا۔ اب بیوہ کو تاحیات پنشن ملے گی۔

0
1755

حکومت پنجاب نے فیملی پنشن کا سابقہ قانون بحال کر دیا۔ اب بیوہ کو تاحیات پنشن ملے گی۔
(ملک اسلم اعوان, نمائندہ عالمی اخبار، اسلام آباد، پاکستان)

گزشتہ برس حکومت پنجاب (پاکستان) نے پنجاب سول سروسز پنشن رولز میں ایک ترمیم کے ذریعے فیملی پنشن (بیوہ) کی پنشن کو دس سال تک محدود کر دیا تھا۔ جس کے نتیجے میں سرکاری ملازمین میں تشویش کی لہر دوڑ گئی تھی۔

اگیگا، آل پاکستان پنشنرز ویلفیئر ایسوسی ایشن، پیغام یونین اور دوسری بہت ساری پنشنرز تنظیموں کے شدید احتجاج اور خاص طور پر سوشل میڈیا کے موثر دباؤ کے نتیجے میں حکومت پنجاب نے ایک نوٹیفکیشن کے ذریعے بیوہ کے لیے پنشن کو تاحیات دوبارہ سے فعال کردیا ہے۔ مزکورہ نوٹیفکیشن کے ذریعے اس بات کی بھی وضاحت کی گئی ہے کہ سرکاری ملازم کی دو بیوہ ہونے کی صورت میں پنشن کومساوی دو حصوں میں تقسیم کرکے ادائیگی کی جائے گی۔

یاد رہے کہ مرکزی حکومت سمیت تمام صوبوں میں بیوہ کو پنشن کی ادائیگی تاحیات کی جا رہی ہے۔ تمام حاضر سروس اور ریٹائرڈ سرکاری ملازمین نے حکومت پنجاب کے اس دانشمندانہ اقدام کو سراہا ہے۔

SHARE

LEAVE A REPLY