امریکی صدر ڈونلڈ ٹرمپ نے کہا ہے کہ شمالی کوریا کی طرف سے امریکی شہریوں کی رہائی کا عمل اس کمیونسٹ ملک کے رہنما کم جونگ ان سے ہونے والی سمٹ پر بہت اچھے اثرات مرتب کرے گی۔
ان امریکیوں کی رہائی کے بعد ٹرمپ نے ٹیلی فون پر جنوبی کوریائی صدر مون جے ان سے گفتگو میں کہا کہ پیونگ یانگ میں امریکی وزیر خارجہ مائیک پومپیو اور کم جونگ ان کی ملاقات بہت تعمیری رہی۔ پومپیو بدھ کے دن ان امریکیوں کے ساتھ جاپان پہنچے، جہاں سے وہ واشنگٹن روانہ ہو گئے۔
