افریقی ملک ایتھوپیا کے دارالحکومت ادیس آبابا میں وزیراعظم ابئی احمد کی ریلی میں ایک گرینیڈ حملے کی وجہ سے بھگدڑ مچ جانے کے نتیجے میں تراسی افراد زخمی ہوئے ہیں۔
قبل ازیں اس ریلی میں ہونے والے ایک دھماکے میں کئی افراد کی ہلاکت کا بتایا گیا تھا۔ منتظمین کے مطابق دستی بم کے حملے کا نشانہ وزیراعظم تھے۔ وزیراعظم احمد نے بھی اس ریلی میں دھماکے کی تصدیق کی تھی۔
ادیس آبابا میں منعقدہ ریلی میں ہزاروں افراد شریک ہو کر اپنے اصلاحات پسند وزیراعظم کو اپنی حمایت کا یقین دلانا چاہتے تھے۔
