سعودی حکمرانوں کے ناقد صحافی جمال خاشقجی کی ہلاکت کے بعد سعودی شاہی خاندان کے ارکان نے خاشقجی کے اہل خانہ سے تعزیت کا اظہار کیا ہے۔
سعودی پریس ایجنسی کے مطابق شاہ سلمان کے علاوہ ان کے بیٹے اور ولی عہد محمد بن سلمان نے بھی خاشقجی کے اہل خانہ کو ٹیلی فون کر کے ان سے افسوس کا اظہار کیا۔
سعودی عرب کے اس صحافی کو ترک شہر استنبول کے سعودی قونصل خانے میں ہلاک کر دیا گیا تھا۔ خاشقجی کی موت کی تاحال غیر واضح وجوہات کے باعث جرمن چانسلر انگیلا میرکل نے سعودی عرب کو جرمن ہتھیاروں کی فراہمی پر عارضی پابندی کی حمایت کر دی ہے۔
