ﺻﺪ ﺍﻓﺴﻮﺱ ﮨﮯ ، ﺍﻟﺒﺘﮧ ﺍﻧﺴﺎﻥ ﻧﻤﺎﺅﮞ ﻧﮯ ﺍﺗﻨﯽ ﭘﺴﺘﯽ ﺍﭘﻨﺎ ﻟﯽ ﮨﮯ ﮐﮧ ﯾﮧ ﺗﻮ ﻻﺋﻖِ ﺍﻓﺴﻮﺱ ﺗﮏ ﻧﮩﯿﮟ ، ﮐﮧ ﺍﻥ ﭘﺮ ﺍﻓﺴﻮﺱ ﺧﻮﺩ ﺍﻓﺴﻮﺱ ﭘﺮ ﺳﺘﻢ ﮨﮯ ۔ ۔ ۔
ﺗﻤﮩﯿﮟ ﻣﯿﺴﺮ ﺩﯾﻮﺍﺭﻭﮞ ﭘﺮ ﺍﮔﺮ ﺗﻤﮩﺎﺭﮮ ﻧﻘﺶ ﮐﺮﺩﮦ ﻋﮑﺲ ﮐﻮ ﻣﭩﺎ ﺩﯾﺎ ﺟﺎﺋﮯ ﺗﻮ ﻧﯿﭽﮯ ﺳﮯ ﻣﻨﺎﻓﻘﺖ ﮐﯽ ﺳﯿﺎﮨﯽ ﺳﮯ ﺗﺮﺍﺷﺎ ﮔﯿﺎ ﺍﯾﮏ ﺍﯾﺴﺎ ﺗﺎﺭﯾﮏ ﻋﮑﺲ ﺑﺮﺁﻣﺪ ﮨﻮ ﮔﺎ ﮐﮧ ﺧﻮﺩ ﺭﺍﺕ ﮐﯽ ﺗﺎﺭﯾﮑﯽ ﺑﮭﯽ ﺷﺮﻣﺎ ﺟﺎﺋﮯ ۔ ۔ ۔ ﺍُﻣﯿﺪﻭﮞ ﮐﺎ ﭘﮭﯿﻼﺅ ﺗﻮ ﺗﻤﮩﺎﺭﺍ ﻣﺸﺮﻕ ﻭ ﻣﻐﺮﺏ ﺳﮯ ﻭﺳﯿﻊ ﺗﺮ ﮨﮯ ﻟﯿﮑﻦ ﮐﻮﺷﺶ ﺗﻤﮩﺎﺭﯼ ﯾﮧ ﮨﮯ ﮐﮧ ﭘﻠﮏ ﮐﯽ ﺟﮭﭙﮏ ﻣﯿﮟ ﺑﮭﯽ ﺳُﺴﺘﯽ ﮐﯽ ﻣﻌﺮﺍﺝ ﭘﺮ ﮨﻮ ۔ ۔ ۔ ﻟﺒﺎﺱ ﺗﻮ ﺗﻢ ﻧﮯ ﺩﯾﺒﺎﺝ ﮐﺎ ﭘﮩﻦ ﺭﮐﮭﺎ ﮨﮯ ﻟﯿﮑﻦ ﺟﺴﻢ ﺗﻤﮩﺎﺭﺍ ﻓﺮﺍﻧﺲ ﮐﮯ ﻗﺪﯾﻢ ﭘﺎﺭﯾﺴﯽ ﻗﺒﯿﻠﮯ ﮐﯽ ﻃﺮﺡ ﺑﺪﺑﻮﺅﮞ ﺍﻭﺭ ﻧﺠﺎﺳﺘﻮﮞ ﻣﯿﮟ ﻟُﺘﮭﮍﺍ ﮨﻮﺍ ﮨﮯ ۔ ۔ ۔ ﺗﻢ ﻣﯿﮟ ﺳﮯ ﮨﺮ ﮐﻮﺋﯽ ﺧﺪﺍ ﭘﺮﺳﺘﯽ ﮐﺎ ﺩﻋﻮﯼٰ ﺭﮐﮭﺘﺎ ﮨﮯ ﻟﯿﮑﻦ ﺍﻧﺪﺭ ﺳﮯ ﺗﻢ ﺩﯾﻦ ﺑﯿﺰﺍﺭ ﮨﻮ ﺍﻭﺭ ﺑﺠﺎﺋﮯ ﺧﺪﺍ ﭘﺮﺳﺘﯽ ﮐﮯ ، ﺧﻮﺩ ﺧﺪﺍ ﺑﻨﻨﮯ ﺍﻭﺭ ﻟﻔﻂِ ﮐُﻦ ﮐﮯ ﮨﻨﺮ ﺁﺯﻣﺎﻧﮯ ﮐﻮ ﮐﻨﻮﺍﺭﯼ ﻟﮍﮐﯽ ﮐﯽ ﻃﺮﺡ ﺑﮯ ﺗﺎﺏ ﮨﻮ ۔ ۔ ۔
ﺗﻤﮩﺎﺭﺍ ﺑﺲ ﻧﮩﯿﮟ ﭼﻠﺘﺎ ﮐﮧ ﺧﺪﺍ ﭘﺮ ﭼڑھ ﺩﻭﮌﻭ ﺍﻭﺭ ﺯﻧﺪﮔﯽ ﻣﯿﮟ ﻣﻠﮯ ﮨﺮ ﺩﺭﺩ ﮐﺎ ﺍﻧﺘﻘﺎﻡ ﻟﮯ ﻟﻮ ۔ ۔ ۔ ﺣﺎﻻﻧﮑﮧ ﺗﻢ ﺍﭘﻨﮯ ﮔﺮﯾﺒﺎﻥ ﻣﯿﮟ ﻧﮩﯿﮟ ﺟﮭﺎﻧﮑﺘﮯ ﮐﮧ ﯾﮩﺎﮞ ﺑﮭﯽ ﺗﻮ ﺗﻢ ﻣﻨﺎﻓﻘﺖ ﺳﮯ ﺟﺪﺍ ﻧﮩﯿﮟ ﮨﻮ ﺳﮑﺘﮯ ، ﮐﮧ ﺟﺪﺍ ﮨﻮ ﮐﺮ ﺗﻢ ﯾﮧ ﺩﯾﮑﮭﻨﺎ ﺑﺮﺩﺍﺷﺖ ﻧﮩﯿﮟ ﮐﺮ ﺳﮑﺘﮯ ﮐﮧ ﮨﺮ ﻣﺼﯿﺒﺖ ﺟﻮ ﺗﻢ ﭘﺮ ﺁﺋﯽ ﮨﻮﺋﯽ ﮨﮯ ﺍﻭﺭ ﮨﺮ ﭘﺮﯾﺸﺎﻧﯽ ﺟﺲ ﮐﯽ ﺗﻢ ﺗﺸﮩﯿﺮ ﮐﺮﺗﮯ ﭘﮭﯿﺮ ﺭﮨﮯ ﮨﻮ ﺍﻭﺭ ﺯﻧﺪﮔﯽ ﮐﺎ ﮨﺮ ﭼﮭﻮﭨﺎ ﺑﮍﺍ ﻏﻢ ﺟﺲ ﮐﺎ ﺗﻢ ﺭﻭﻧﺎ ﺭﻭﺗﮯ ﮨﻮ ۔ ۔ ۔ ﺗﻤﮩﺎﺭﯼ ﮨﯽ ﺳُﺴﺘﯽ ، ﻧﺎﺍﮨﻠﯽ ، ﮐﻢ ﮨﻤﺘﯽ ، ﺑﮩﺎﻧﮧ ﺳﺎﺯﯼ ، ﺍﻧﺎ ، ﻣﻨﺎﻓﻘﺖ ، ﮨﻮﺱ ، ﺷﮩﺮﺕ ﭘﺴﻨﺪﯼ ، ﺧﻮﺩ ﭘﺴﻨﺪﯼ ، ﺩﻭﻏﻠﮯ ﭘﻦ ، ﮐﺌﯽ ﺭُﺧﯽ ، ﺗﻦ ﺁﺳﺎﻧﯽ ، ﺧﯿﺎﻧﺖ ، ﮔﻤﺎﻥ ﺍﻭﺭ ﺟﮩﺎﻟﺖ ﮐﯽ ﻭﺟﮧ ﺳﮯ ﮨﮯ ۔ ۔ ۔ ﺍﻭﺭ ﺍﺱ ﭘﺮ ﺗﻤﮩﺎﺭﯼ ﺑﺰﺩﻟﯽ ﮐﺎ ﺣﺎﻝ ﯾﮧ ﮨﮯ ﮐﮧ ﺍﭘﻨﯽ ﮨﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻝ ﮐﺮ ﺗﻢ ﺍﭘﻨﯽ ﻣﻨﺎﻓﻘﺖ ﺍﻭﺭ ﮨﻮﺱ ﺗﮏ ﮐﻮ ﻧﮩﯿﮟ ﺩﯾﮑﮫ ﺳﮑﺘﮯ ﺍﻭﺭ ﺍﮔﺮ ﮐﻮﺋﯽ ﺗﻤﮩﯿﮟ ﺩﯾﮑﮭﺎﺗﺎ ﮨﮯ ﺗﻮ ﺍﺱ ﮐﮯ ﺩﺷﻤﻦ ﮨﻮ ﺟﺎﺗﮯ ﮨﻮ ﺍﻭﺭ ﺍﺱ ﮐﮯ ﺑﺎﺭﮮ ﻣﯿﮟ ﺍﯾﺴﯽ ﮐﮩﻨﮯ ﻟﮕﺘﮯ ﮨﻮ ﺟﻮ ﺍﺱ ﻣﯿﮟ ﮨﻮﺗﯽ ﮨﯽ ﻧﮩﯿﮟ ﮨﮯ ﺗﺎﮐﮧ ﺍﺱ ﮐﯽ ﺭﺳﻮﺍﺋﯽ ﮐﺎ ﺳﺎﻣﺎﻥ ﮐﺮ ﺳﮑﻮ ۔ ۔ ۔
ﺗﻤﮩﯿﮟ ﯾﮧ ﺗﮏ ﻧﮩﯿﮟ ﻣﻌﻠﻮﻡ ﮐﮧ ﺗﻤﮩﺎﺭﮮ ﺍﻧﺪﺭ ﺳﮯ ﺁﺗﯽ ﮨﻮﺋﯽ ﺁﻭﺍﺯ ﺗﻤﮩﯿﮟ ﮐﻮﻥ ﺩﮮ ﺭﮨﺎ ﮨﮯ ﻟﯿﮑﻦ ﭘﮭﺮ ﺑﮭﯽ ﮨﺮ ﺣﻘﯿﻘﺖ ﺳﮯ ﺑﮯ ﺧﺒﺮ ﺍﻭﺭ ﮔﻤﺎﻥ ﮐﯽ ﺑﻨﯿﺎﺩ ﭘﺮ ﯾﻘﯿﻦ ﮐﺎ ﭘﺮﭼﻢ ﻟﮯ ﮐﺮ ﻣﻌﺎﻣﻼﺕ ﻣﯿﮟ ﮐﻮﺩ ﭘﮍﺗﮯ ﮨﻮ ۔ ۔ ۔ ﭘﮭﺮ ﺟﺐ ﮔﻤﺮﺍﮨﯽ ﮐﮯ ﮐﺴﯽ ﮔﮍﮬﮯ ﻣﯿﮟ ﮔِﺮ ﺟﺎﺅ ﺗﻮ ﮨﺮﻥ ﮐﮯ ﺍُﺱ ﺑﭽﮯ ﮐﯽ ﻃﺮﺡ ﺑﻠﺒﻼﻧﮯ ﻟﮕﺘﮯ ﮨﻮ ﺟﺲ ﺳﮯ ﺍﺱ ﮐﯽ ﻣﺎﮞ ﭼﮭﯿﻦ ﻟﯽ ﮔﺌﯽ ﮨﻮ ۔ ۔ ۔ ﺍﻭﺭ ﺍﮔﺮ ﺍﯾﺴﮯ ﻣﯿﮟ ﮐﻮﺋﯽ ﺗﻤﮩﯿﮟ ﻧﺼﯿﺤﺖ ﺑﺘﺎﺗﺎ ﮨﮯ ﺗﻮ ﯾﺎ ﺗﻮ ﺍﺣﻤﻘﻮﮞ ﮐﺎ ﺷﯿﻮﮦ ﺍﭘﻨﺎﺗﮯ ﮨﻮﺋﮯ ﺍﺳﮯ ﻣﺬﺍﻕ ﻣﯿﮟ ﺍﮌﺍ ﺩﯾﺘﮯ ﮨﻮ ﯾﺎ ﭘﮭﺮ ﻧﺼﯿﺤﺖ ﮐﻮ ﮈﺳﭧ ﺑﯿﻦ ﮐﯽ ﺯﯾﻨﺖ ﺑﻨﺎ ﮐﺮ ﮔﻤﺎﻥ ﮐﮯ ﻟﺸﮑﺮ ﻣﯿﮟ ﭘﮭﺮ ﺳﮯ ﺷﺎﻣﻞ ﮨﻮ ﺟﺎﺗﮯ ﮨﻮ ۔ ۔ ۔
ﺩﯾﻦ ﺗﻤﮩﺎﺭﮮ ﻟﯿﮯ ﺍﯾﮏ ﭘﺎﺭﭦ ﭨﺎﺋﻢ ﭼﯿﺰ ﮨﯽ ﮨﮯ ، ﺍﺱ ﮐﺎ ﺗﻮ ﺫﮐﺮ ﮨﯽ ﺗﻤﮩﺎﺭﯼ ﺯﺑﺎﻥ ﺳﮯ ﯾﻮﮞ ﮨﮯ ﺟﯿﺴﮯ ﻓﺮﻋﻮﻥ ﮐﯽ ﺯﺑﺎﻥ ﺳﮯ ﺧﺪﺍ ﭘﺮﺳﺘﯽ ﮐﺎ ﺗﺬﮐﺮﮦ ﮨﻮ ۔ ۔ ۔ ﺗﻮ ﺗﻤﮩﺎﺭﮮ ﺳﺎﻣﻨﮯ ﺩﯾﻦ ﮐﺎ ﻟﻔﻆ ﺑﻮﻟﻨﺎ ﺑﮭﯽ ﺑﻮﻟﻨﮯ ﻭﺍﻟﯽ ﮐﯽ ﺣﻤﺎﻗﺖ ﮨﮯ ۔ ۔ ۔ ﺑﻠﮑﮧ ﺯﻧﺪﮔﯽ ﮐﮯ ﮨﺮ ﭼﮭﻮﭨﮯ ﺳﮯ ﺑﮍﮮ ﻣﻌﺎﻣﻠﮯ ﻣﯿﮟ ﺗﻢ ﻣﻨﺎﻓﻘﺖ ، ﺧﻮﺩ ﭘﺮﺳﺘِﺸﯽ ، ﺍﻧﺎﻧﯿﺖ ، ، ﮨﻮﺱ ﺍﻭﺭ ﺧﻮﺩ ﺳﮯ ﺍﭘﻨﯽ ﺍﺻﻠﯿﺖ ﭘﻮﺷﯿﺪﮔﯽ ﮐﺎ ﺟﻮ ﻋﮑﺲ ﺑﻨﺎﺗﮯ ﺭﮨﺘﮯ ﮨﻮ ۔ ۔ ۔ ﺍﻭﺭ ﯾﮧ ﺳﺐ ﺗﻤﮩﯿﮟ ﺍﯾﺴﮯ ﻟﮕﺎﺕ ﮨﮯ ﺟﯿﺴﮯ ﺟﻮﺍﻥ ﻋﻮﺭﺕ ﮐﮯ ﮔﻠﮯ ﮐﺎ ﮨﺎﺭ ﮨﻮ ۔ ۔ ۔ ﺗﻮ ﮐﯿﺎ ﺗﻢ ﺍﺱ ﮨﺎﺭ ﺳﮯ ﺍُﮐﺘﺎﺗﮯ ﻧﮩﯿﮟ ۔ ۔ ۔ ﮐﯿﺎ ﮐﺒﮭﯽ ﺑﮭﯽ ﺗﻤﮩﯿﮟ ﺧﻮﺩ ﺳﮯ ﻧﻔﺮﺕ ﻧﮩﯿﮟ ﮨﻮﺋﯽ ۔ ۔ ۔ ﯾﻌﻨﯽ ﮐﮧ ﺗﻢ ﺍﭘﻨﮯ ﮔﺮﯾﺒﺎﻥ ﻣﯿﮟ ﮐﺒﮭﯽ ﺗﻮ ﺟﮭﺎﻧﮑﮯ ﮨﻮ ﮔﮯ ، ﯾﺎ ﭘﮭﺮ ﺗﻤﮩﺎﺭﺍ ﮔﺮﯾﺒﺎﻥ ﮨﯽ ﻧﮩﯿﮟ ﮨﮯ ۔ ۔ ۔ ؟
ـــــــــــــــــــــــــــــــ
ﺟﺴﭩﻦ ﺳﻨﻮ ۔ ۔ ۔
انتخاب: فائزہ عباس
