ایرانی میڈیا کو دیےگئے انٹرویو میں ایرانی پاسداران انقلاب کے سیاسی نائب بریگیڈیئر جنرل یداللہ جوانی کا کہنا تھا کہ جنگ کا خاتمہ اسلام آباد مفاہمتی یادداشت کے مطابق ہونا چاہیے۔ آبنائے ہرمز کے انتظامات کبھی بھی جنگ سے پہلے کی صورتحال پر واپس نہیں جائیں گے۔
ان کا کہنا تھا کہ کئی ماہ کی کوششوں کے بعد بھی امریکا، اسرائیل اور ان کے اتحادی آبنائے ہرمز کا کنٹرول ایران سے لینے میں کامیاب نہیں ہوئے، آبنائے ہرمز پر ایران، عمان بات چیت جنگ کے حتمی خاتمے اور اس کے بعد کی صورتحال کے لیے ہو رہی ہے۔
