آئی سی سی ون ڈے ورلڈکپ میں بنگلادیش کے خلاف شاندار بیٹنگ کرکے پاکستان ٹیم کی جیت میں اہم کردار ادا کرنے والے اوپننگ بیٹر فخر زمان کا کہنا ہے کہ کامیابی آپ کو اعتماد دیتی ہے، کوشش ہوگی اگلے دونوں میچز بڑے مارجن سے جیتیں۔
ورلڈکپ کے 31ویں میچ میں پاکستان نے بنگلادیش کو با آسانی 7 وکٹوں سے شکست دے دی۔پاکستان نے بنگلادیش کا 205 رنز کا ہدف با آسانی 33 ویں اوور میں 3 وکٹوں کے نقصان پر پورا کرلیا۔
امام الحق کی جگہ ٹیم میں شامل کیے جانے والے بیٹر فخر زمان نے شاندار 81 رنز بنائے، ان کی اننگز میں 7 چھکے شامل تھے۔ وہ پلیئر آف دی میچ بھی قرار پائے۔
