اسلام آباد میں اپوزیشن کے جلسے پر حکومتی مذاکراتی کمیٹی کے رکن اسد عمر نے حزب اختلاف کو تنقید کا نشانہ بنایا ہے۔
اپوزیشن کی طرف سے وزیر اعظم کا استعفیٰ مانگنے کی بات پر رد عمل دیتے ہوئے اسد عمر نے کہا کہ اپوزیشن یہ بات اچھی طرح جانتی ہے کہ اسے وزیر اعظم کا استعفیٰ نہیں مل سکتا۔
انہوں نے کہا کہ اپوزیشن کا پلان مکمل ناکام ہوگیا ہے۔
اسد عمر نے کہا کہ اپوزیشن نے دو دن کی مہلت حکومت کو نہیں دی بلکہ خود سوچنے کے لیے لی ہے۔
رہنما پی ٹی آئی نے کہا کہ مولانا نے ڈی چوک جانے کا نہیں کہا بلکہ ڈی چوک جانے کا اشارہ دینا بھی اپنے آپشن کھلے رکھنا ہے۔
