سلام بحضور امام عالیمقام حسین علیہ السلام۔
اے نور چشم نبی،اے مہِ تمام سلام
سلام شاہ شہیداں، میرے امام سلام

جبین وقت پہ لکھا ہوا ھے نام حسین
درود تجھ پہ مسلسل شہِ انام سلام

ھے موج خوں جو ہویدا ھماری آنکھوں میں
عزائے شاہ میں ماتم ھے صبح وشام سلام

ڈبو کے رکھ دیا تاج و غرورشاھی کو
فرات پیاس میں،اے میرے تشنہ کام سلام

کٹا کے بازو بہ نہر فرات سوئے ہوئے
میرے عباس۴ کے مولا، فلک مقام سلام

وہ میرے عون۴ و محمد۴،وہ اکبر۴وقاسم۴
مری نظر میں فروزاں ھر ایک نام سلام

گلوئے اصغر بے شیر۴ کے لہو نے رضا
لکھی ھے سورہء فتحِ بہ ابتسام سلام

خاک پائے عزاداران شہیدان کربلا
سید رضا مہدی باقری

SHARE

LEAVE A REPLY