کس کو سناؤں حال دلِ زار زار کا
اب اعتبار ختم ہوا اعتبار کا
بھجنے کی دل سے آگ نہیں زیرِ خاک بھی
ہو گا درخت قبر پہ میری چنار کا
سچ ہے یہ کہ قید میں ہوں تیری یاد کی
ملتا نہیں ہے راستہ کوئی فرار کا
وحشت سے دل بھرا رہتا ہے ہر گھڑی
احساس اب بھی ہوتا ہے تیرے حصار کا
ظالم ہیں لوگ شہر کے تیرے مگر کبھی
بتلاتے گا کوئی تو پتہ کوئے یار کا
صد حیف اس زمانے نے ٹھکرا دیا ہمیں
اب تو مقابلہ ہے ہراک گُل سے خار کا
انجم رواں رہی ہوں میں کانٹوں پہ عمر بھر
کانٹوں پہ بھی گمان ہے اب سبزہ زار کا
تحسین شفقت انجم
