مولانا جامی کی معروف نعتیں اب اُردو زبان میں : سید عارف معین بلے

مولانا جامی کی معروف و مقبول نعتیں اب اُردو زبان میں
منظوم اردو ترجمہ : سید عارف معین بلے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مولانا عبدالرحمان جامی کی فارسی نعتیں پاکستان کے صف اول کے نعت خوانوں نے پیش کرکے کئی دہائیوں سے دھوم مچارکھی ہے ۔ اُم ِ حبیبہ ، قاری وحید ظفر قاسمی ، صابری برادران اور دیگر نعت خواں حضرات و خواتین کی آوازیں آج بھی کانوں میں رس گھولتی ہوئی محسوس ہوتی ہیں ۔فارسی زبان کسی دور میں ہماری روز مرہ زندگی میں رچی بسی تھی ۔اسی لئے اگرکہیں فارسی اشعار یا کسی فارسی نثر پارے کا اقتباس دیاجاتا تو اس کے ساتھ اردو زبان میں اس کاترجمہ نہیں دیا جاتا تھا اور پڑھے لکھے لوگوں سے یہ امید کی جاتی تھی کہ وہ فارسی زبان کے الفاظ ، استعارات، تشبیہات،علامات، تلمیحات اور تلازمات کوبآسانی سمجھ لیں گے۔ لیکن اب زمانہ بدل گیاہے۔ ادب کامعیار بدل گیا ہے ۔ اب اردو اور انگریزی بولنے، پڑھنے اور سمجھنے والے ضروری نہیں کہ فارسی بھی جانتے ہوں ۔ اسی لئے عالمی اخبار نے آج کے قارئین ِ کرام کے ذوق کی تسکین اور فارسی زبان میں کہی گئی نعتوں میں چُھپے ہوئے معانی کی ترسیل اور مطالب کی معنوی تفہیم کے لئے مولا نا عبدالرحمان جامی کی منتخب فارسی نعتوں کو اردو زبان میں پیش کرنے کی سعادت اپنے نام کی ہے ۔مولانا جامی کی نعتیں اردو زبان کے قالب میں چشتیہ خانوادے کے فرزند ارجمند سید عارف معین بلے نے منتقل کی ہیں ۔فارسی نعتوں کا منظوم اردو ترجمےکرنے کے ساتھ ساتھ سیدعارف معین بلے نےمولانا جامی کےجذبوں کی بھی ترجمانی کی ہے۔بہرحال پہلے ملاحظہ فرمائیے مولاناعبدالرحمان جامی کی فارسی نعت ،اس کے بعد جامی کی نعت اردو زبان میں آپ کی نذرکی جائے گا۔فارسی اور اردو کی ہر نعت کو اسی انداز میں عالمی اخبار کی زینت بنایا گیا ہے ۔ہرفارسی نعت آپ پہلے پڑھیں گے ،اس کے بعد مولاناجامی کی یہی نعت اردو زبان میں آپ کی ضیافت ِ دل و نگاہ کےلئے دستیاب ہوگی ۔
{ادارہ}
گل از رخت آموخته نازك بدني را
مولانا عبدالرحمان جامی ؔ کی خوبصورت فارسی نعت

گل از رخت آموخته نازك بدني را
بلبل ز تو آموخته شيرين سخني را
هر كس كه لب ِلعل ترا ديد، به خود گفت
حقا كه چه خوش كنده عقيق ِ يمني را
خياط ِ ازل دوخته بر قامت ِ زيبا
بر قد تو اين جامه ي سبز چمني را
در عشقِ تو دندان شکستند به الفت
تو نامه رسانید اویس قرني را
از جامؔی بيچاره رسانيدہ سلامی
بر درگه ِ دربار ِرسول ِ مدني را
اب دیکھئے ، مولا عبدالرحمان جامی کی یہی نعت اردو زبان میں ۔عنوان ہے
گُل نے بھی سبق اُن سے لیا گُل بَدَنی کا

منظوم اردو ترجمہ : سید عارف معین بلے

گُل نے بھی سبق اُن سے لیا گُل بَدَنی کا
بُلبُل نے بھی گُن پایا ہے شیریں سُخَنی کا
جس شخص نے بھی آپ کے دیکھے لب ِ لعلیں
بول اُٹھا ،ہے کیا حُسن عقیق ِ یَمنی کا
خیّاط ِ اَزل نے بھی پئے قامت ِ زیبا
کیا جا مہ تراشا ہےیہ ، سرو و سَمَنی کا
کیا عشق ہے ؟ دانت اپنے سبھی توڑ لئے ہیں
خِلعت ہے یہ انعام، ا َویس ِ قَرَ نی کا
اِ س جامی کی جانب سے بھی دے دینا سلامی
تُم دیکھو جو دَربَار ، رسول ِ مَدَنی کا
منظوم اردو ترجمہ:سیدعارف معین بلے

اب ملاحظہ فرمائیے مولانا جامی کی ایک اور فارسی نعت

تنم فرسودہ جاں پارہ ز ہجراں، یا رسول اللہ

تنم فرسودہ جاں پارہ ز ہجراں، یا رسول اللہ
دلم پژمردہ آوارہ ز عصیاں، یا رسول اللہ

چوں سوئے من گذر آری، من مسکین ز ناداری
فدائے نقش نعلینت کنم جاں، یا رسول اللہ

زجام حب تو مستم ، با زنجیر تو دل بستم
نمی گویم کی من بستم سخنداں، یا رسول اللہ

ز کردہ خیش حیرانم، سیاہ شد روز عصیانم
پشیمانم، پشیمانم، پشیماں، یا رسول اللہ

چوں بازوئے شفاعت را کشا بر گناہگاراں
مکن محروم جامیؔ را در آں، یا رسول اللہ

اب مولانا عبدالرحمان جامیؔکی خوبصورت نعت اردو زبان میں
منظوم ترجمہ نگار :سیدعارف معین بلے

ہے پارہ پارہ جسم و جاں بہ ہجراں یارسول اللہ
گناہوں کے سبب ہے دل پریشاں یا رسول اللہ

مِری جانب اگر آنے کو مولا کے قدم اٹھیں
یہ جاں اِک اِک نشان ِ پا پہ قرباں یارسول اللہ

ہے دل مغلوب اپنا ، مستی ہے جام ِ محبت کی
یہ سچ ہے میں نہیں کوئی سخن داں یارسول اللہ

مقدر کے اندھیرے میرے کرتوتوں کےباعث ہیں
میں حیراں ہوں کیا کیا؟ ہوں پشیماں یارسول اللہ

گنہگاروں پہ وا محشر میں بازوئے شفاعت ہیں
ہےجامیؔ منتظر ، فرمائیں احساں یارسول اللہ

کھلے رکھئے گا مجھ پہ سارے دروازے مدینے کے
سفر کی مشکلیں سب ہوں گی آساں یا رسول اللہ
منظوم ترجمہ :سیدعارف معین بلے

پہلے جامی کی ایک معرکۃ الآرا نعت کافارسی رنگ دیکھئے۔ عنوان ہے
نسیما ،جانب ِ بطحہ گزرکُن

نسیما ! جانب ِبطحاگزرکن
ز احوالم محمد را خبر کن
ببریں جانِ مشتاقم بہ آں جا
فدائے روضہ ءخیر البشر کُن
توئی سلطان ِ عالم یا محمد
زروئے لطف سوئے من نظر کن
مشرف گرچہ شد جامی زلطفش
خدایا ! ایںکرمبارِدِگرکن

اب آپ دیکھ سکیں گے مولانا عبدالرحمان جامی کی نعت کااردو رنگ ،اس کاعنوان ہے۔
نسیم اب جانب ِ بطحہ گزر کر
منظوم اردو ترجمہ : سید عارف معین بلے

نسیم اب جانب ِ بطحہ گزر کر
محمد کو مِرے دل کی خبر کر
ہے جاں بے تاب میری، اس کولے چل
فدائے روضہ ء خیرالبشر کر
تو ہے سلطان ِ عالم ، یا محمد
تُومجھ پر بھی کرم کی اِک نظر کر
کرم پہلے بھی جامی پر ہوا ہے
خدایا ۔یہ کرم بار ِ دِگر کر

جامی کی نعت کامنظوم اردو ترجمہ
ترجمہ نگار : سیدعارف معین بلے
مولانا جامی کی اس خوبصورت فارسی نعت کی بازگشت دنیائے ادب میں صدیوں سے سنائی دے رہی ہے،سبحان اللہ ۔کیابات ہے ۔آپ بھی ملاحظہ فرمائیے ۔
جہاں روشن است از جمالِ محمد
دلم تازہ گشت از وصالِ محمد

خوشا مجلس و مسجد و خانقاہے
کہ در وے بود قیل و قالِ محمد

بہ وصفِ رخش والضحے گشت نازل
چو واللیل شد زلف خالِ محمد

بروے زمین گشت سردارِ عالم
ہر آنکس کہ شد پائمالِ محمد

بجنت ہمہ حوریاں کرد نعرہ
بوقتِ شنیدن وصالِ محمد

شود پاک معصوم کلی گنہ گار
کہ در خواب بیند جمالِ محمد

بود در جہاں ہر کسے را خیال
مرا از ہمہ خوشِ خیال محمد

بصدق و صفا می تواں گشت جامی
غلامِ غلامانِ آلِ محمد

مولاناعبدالرحمان جامی کی یہ نعت اب اردو زبان میں

منظوم ترجمہ : سیدعارف معین بلے
ہے روشن جہاں از جمال ِ محمد
یہ دل جی اُٹھا ، ہے کمال ِ محمد

مجالس، مساجد ہوں یا خانقاہیں
حسیں تر ہیں از قیل و قال ِ محمد

رخ ِ تاباں کی شان میں والضحیٰ ہے
ہے واللیل در زلف و خال ِ محمد

زمیں پر بنا ہے وہ سردار ِ عالم
ہوا جو کوئی پائے مال ِ محمد

شب ِ اسریٰ حوروں کے لب پہ تھا نعرہ
ہے جنت میں وقت ِ وصال ِ محمد

گنہگار بھی پارسا ہوکے اُٹھّے
جو سپنے میں دیکھے جمال ِ محمد

خیالات میں ہے ہر اِک شخص غلطاں
مجھے دم بہ دم ہے خیال ِ محمد

بصدق و صفا بن گیا دیکھو جامی
غلام ِ غلامان ِ آل ِ محمد
اس نعت کا منظوم اردو ترجمہ کرنے کی سعادت سمیٹی ہے سیدعارف معین بلے نے۔

پہلے فارسی زبان میں مولانا جامی کی ایک اور ایمان افروز نعت

﷽السّلام ای قیمتی تر گوہرِ دریائے جود
السّلام ای تازہ تر گلبرگِ صحرائے وجود

السّلام ای آنکہ تا از جبہء آدم نہ تافت
نورِ پاکش کس نبرد از قدسیاں او را سجود

السّلام اے آنکہ زنگِ ظلمتِ کفر و نفاق
صیقلِ تیغِتو از آئینۂ گیتی زدود

السّلام ای آنکہ ناید درہمہ کون و مکاں
تیز بینان را بہ جز نور تو در چشمِ شہود

السّلام ای آنکہ بہر فرشِ راہت بافت دہر
اطلسی راکش ز شب کردند تار از روز پود

السّلام ای آنکہ ابوابِِ شفاعت روزِ حشر
جز کلیدِ لطفِ تو بر خلق نتواند کشود

السّلام ای آنکہ تا بودم دریں محنت سرا
در سرم سودا و در جانم تمنایِ تو بود

صد سلامت می فرستم ہر دم ای فخرِ ِکرام
بو کہ آید یک علیکم در جوابِ ِصد سلام

ملاحظہ فرمائیے مولانا جامی کی یہ نعت،اردو زبان میں
السّلام اے بیش قیمت ،گوہر ِ ِدریائے جود
ترجمہ نگار: سید عارف معین بلے

السّلام اے بیش قیمت ،گوہر ِ ِدریائے جود
السلام اے تازہ تر گلبرگ ِ صحرائے وجود

ہوسلام اُس نور پر ،آدم کے جو ماتھے پہ تھا
دیکھ کر جس کو فرشتے ہوگئے سر بہ سجود

السلام ماحی ء زنگ ِ ظلمت ِ کفر و نفاق
آپ نے صیقل کیا آئینہ ء کل ہست و بود

ہوسلام اُس نور پر کہ نظریں خیرہ ہوگئیں
ہو بہت جب روشنی ،کیا دیکھے گی چشم ِشہود؟

ہو سلام اُس پر بنا جس کیلئے یہ فرشِ راہ
تار اس اطلس کاشب ہے ،دن ہے اس اطلس کاپود

ہوسلام اس پر کہ ابواب ِ شفاعت روز ِ حشر
آپ کی کنجی ء لطف و خیر سے ہوں گے کشود

جیتے جی سر میں رہا ہے آپ کا سودا ، سلام
ہے بقول ِ جامی در جانم تمنائے تو بود

صد سلامت ، رحمت ہر دم آپ پر فخر ِ ِکرام
یک علیکم آپ کہہ دیں درجواب ِصد سلام

منظوم ترجمہ: سیدعارف معین بلے

مولانا جامی کی ایک اورفارسی نعت ، جس میں وہ نبیءرحمت صلی اللہ علیہ ّآلہ وسلم کےحضور بصد ادب و احترام سلامی پیش کرتے دکھائی دے رہے ہیں ۔آپ بھی درود وسلام کانذرانہ بارگاہ رسالت مآب صلی اللہ علیہ وآلہ وسلم میں پیش کرکے ملاحظہ فرمائیے۔

سلام علیک اے نبی ءمکرم
مکرم تر از آدم و نسل ِآدم

سلام علیک اے ز آبائے علوی
بصورت مؤخر بمعنی ٰ مقدم

سلام علیک اے ز اسمائے حسنہ
جمال تو آئینہء اسم ِ اعظم

ز سعی تو شد فتح ِ ابواب معلق
ز نطق ِتو شد کشف ِاسرار ِمبہم

توئی یا رسول اللہ آں بحر رحمت
کہ باشد محیط از عطائے دو عالم

کشائی بہ تخلیص ما لب کہ آید
ترا فتح باب ِشفاعت مسلم

========
اب مولانا جامی کی یہی نعت ،اردو زبان میں

منظوم ترجمہ : سیدعارف معین بلے

سلام آپ پر یا نبی ء مکرّم
ہیں جو اشرف ِ آدم و نسل ِ آدم

سلام آپ پر اپنے آباء و جد سے
موخر سہی ، ہیں بباطن مقدّم

سلام آپ پر کہ ازاسمائے حسنہ
جمال آپ کا پر تو ِ اسم ِ اعظم

کھلے بند در آپ کی کوششوں سے
کھلے کنجی ء لب سے اسرار ِ مبہم

رسول ِ خدا رحمتوں کا سمندر
عطا آپ کی ہے محیط ِ دو ِعالم

اِس اُمیّد پر باب ِ لَب کھولتا ہوں
شفاعت کادر کھول دیں گے وہ یکدم

جامی کی نعت اردو زبان میں
منظوم ترجمہ : سیدعارف معین بلے

جامی کی خوبصورت نعتیں اردو زبان میں پیش کرنے کے ساتھ ساتھ سیدعارف معین بلے نے ان کی منتخب فارسی نعتوں کی زمین میں بھی کچھ طبع زاد نعتیں کہی ہیں ۔ ان طبع زاد نعتوں کو بھی آپ کے ذوق و شوق کی تسکین کیلئے عالمی اخبار جلداپنے صفحات کی زینت بنائےگا۔
{ادارہ}