امریکی صدر ڈونلڈ ٹرمپ کی سربراہی میں ہونے والے بورڈ آف پیس اجلاس میں ممکنہ غزہ سکیورٹی منصوبہ پیش کر دیا
منصوبے کے تحت غزہ کے شہر رفاہ کو ترجیحی بنیادوں پر 3 سال میں دوبارہ تعمیر کرنے کا اعلان کیا گیا ہے، ساحلی علاقے کو آئندہ 10 سال میں نئی بحیرۂ روم ریویرا میں تبدیل کرنے کا منصوبہ پیش کیا گیا ہے، منصوبے میں 200 ہوٹل تعمیر کرنے کی بات کی گئی ہے۔
غزہ کیلئے نئی عبوری فلسطینی پولیس فورس بنانے کیلئے 2 ہزار سے زائد درخواستیں موصول ہوئیں، طویل مدتی منصوبے کے تحت 12 ہزار پولیس اہلکار اور 20 ہزار اضافی سکیورٹی اہلکار ترتیب دیے جائیں گے۔
واشنگٹن میں امریکی صدر ڈونلڈ ٹرمپ کی زیر صدارت پیس بورڈ کا پہلا اجلاس جاری ہے جس میں وزیر اعظم پاکستان شہباز شریف بھی شریک ہیں۔
ٹرمپ انسٹیٹیوٹ آف پیس میں اجلاس شروع ہونے سے پہلے صدر ٹرمپ کے ساتھ عالمی سربراہان کا گروپ فوٹو ہوا۔
اجلاس میں چین، روس، برطانیہ سمیت سلامتی کونسل کے مستقل اراکین موجود نہیں ہیں۔
اجلاس میں صدر ٹرمپ غزہ کی تعمیر نو کے لیے جمع ہونے والی رقم اور بین الاقوامی استحکام فورس کا اعلان کریں گے۔
