اسکاٹ لینڈ کی پارلیمان نے برطانیہ سے علیحدگی کے موضوع پر ایک اور ریفرنڈم کرانے کی خاطر لندن حکومت سے مشاورت کی اجازت دے دی ہے۔
اسکاٹ لینڈ کی ایک سو انتیس نشستوں والی پارلیمان میں آج ہونے والی رائے شماری میں 69 ارکان نے فرسٹ منسٹر نکولا اسٹرجن کے اس منصوبے کی حمایت کی جبکہ 59 نے اس کی مخالفت کی۔
اگرچہ اسکاٹش عوام سن دو ہزار چودہ میں کرائے گئے ایک ایسے ہی ریفرنڈم کو مسترد کر چکے ہیں تاہم اسٹرجن کا کہنا ہے کہ بریگزٹ کے نتیجے میں اب اسکاٹش عوام کی رائے بدل چکی ہے، اس لیے اس حوالے سے ایک اور ریفرنڈم ضروری ہو چکا ہے۔
