شمالی کوریا کے ایٹمی پروگرام پر اُس کے ساتھ بڑھتے ہوئے تناؤ کے پیشِ نظر امریکا نے جنوبی کوریا میں ایک متنازعہ میزائل شکن دفاعی نظام کی تنصیب شروع کر دی ہے۔
سیول میں وزارتِ دفاع نے بتایا کہ تھاڈ کہلانے والے نظام کے مختلف حصے لے کر آنے والے پہلے کنٹینر کو صوبے گائیونگ سانگ میں تنصیب کے مقام تک پہنچا دیا گیا ہے۔
مزید یہ کہ یہ نظام اس سال کے آخر تک مکمل طور پر کام کرنے لگے گا۔ اس نظام کو اپنے سکیورٹی مفادات کے لیے خطرہ سمجھنے والے چین اور روس نے اس امریکی اقدام کو ہدفِ تنقید بنایا ہے۔
