ہم نے اپنے گزشتہ مضمون میں قر آن و حدیث دونوں کو نمونے کے طور ایک جگہ پیش کر نے کی کوشش تھی۔ اس میں قباحت یہ ہے کہ قرآن میں بہت کم موضوع ایسے ہیں کہ جن پر ہدایات آئی ہیں زیادہ تر ہدایات جو آئی ہیں وہ حدیث میں ہی ہیں۔ چونکہ اسلامی طر ز زندگی نام ہی حضور ﷺ کے اسوہ حسنہ کا ہے جن پر انہوں نے عمل کر کے بھی د کھا یا ہے۔ لہذا اس کو احادیث سے ثابت کر رہے ہیں۔
مسند بزار میں حضورﷺ سے ثابت ہے کہ اللہ سبحانہ تعالیٰ طبیب ہے لہذا وہ تمام طیبات کو پسند کرتا ہے۔ ان کی تفصیل حضورﷺ نے بیان فر مائی ہے۔ حضورﷺ کا ارشاد ِ گرامی ہے کہ وہ پاک ہے اور پاک چیزوں کو پسند کرتا ہے۔کریم ہے کرم کو پسند کرتا ہے۔ سخی سخاوت کو پسند کرتا ہے۔ اس لیئے اپنے مکان اور صحن کو صاف رکھو(زاد المعاد)
اسی طرح ثابت ہے کہ حضورﷺ نے ارشاد فرمایاکہ اللہ تعالیٰ کا ہر مسلمان پر حق ہے کہ وہ ہر سات دن میں کم از کم ایک بار غسل کرے اور اگر اس کےپاس خوشبو ہو تو وہ بھی لگا ئے اور خوشبو میں یہ خاصیت ہے کہ معطرشخص سے ملا ئکہ محبت کرتے ہیں اور شیاطین اس سے نفرت کرتے ہیں اور شیاطین کے لیئے سب سے زیادہ مرغوب،مکروہ اوربد بودار چیز ہے لہذا وہ اس سے محبت کرتے ہیں۔ اسی طرح اچھی روح خشبو سے اور بری روح بد بو سے محبت کرتی ہے۔(زاد المعاد)
زمین کا تبادلہ۔ اس سلسلہ میں حضور ﷺ نے ارشاد فرمایا ہےکہ اگر اپناکوئی گھر یا زمین فروخت کرے تو بہتر یہ ہے کہ (جلد از جلد) دوسری خرید لے ورنہ نقدی رہنا مشکل ہے وہ خرچ ہوجا ئے گی(حیٰواۃ مسلمین۔ابن ِ ماجہ)
غیرت اور احسان۔حضورﷺ نے ارشاد فرما یاتم دوسروں کے مشوروں کے محتاج نہ بنو بلکہ خود صاحب الرائے اور پختہ ارادہ کر نے والے بنو۔ اور بنا بلا ئے کسی کےگھرکھانا کھانے نہ جا یا کرو۔ تم کہتے ہو جو ہم سے نیکی کرے گا ہم اس کے ساتھ نیکی کریں گے اور جو برائی کرٰ ےگا اس کے ساتھ برائی کریں گے۔تم کو چا ہیئے تم خود کو اس بات کا عادی بنالو کہ جو تمہارے ساتھ احسان کرے تم بھی اس کے ساتھ احسان کرواور جوبدی کرے اس کے ساتھ بھی بدی نہ کرو۔(ترمذی۔ مشکواۃ)
عیش و عشرت۔حضرت معاذؓ بن جبل ؓ کو جبکہ وہ یمن کے حضورﷺ کی طرف سے عامل بن کر تشریف لے جارہے تو جہاں انہوں ﷺ اور بہت سی نصیحتیں ارشادفرمائیں تو مجھ سے یہ بھی ارشاد فرمایا کہ دیکھو زیادہ چین اور مزے نہ کرنااللہ کے نیک بندے چیں نہیں کیا کرتے ہیں (مسندِ احمد۔ بیہقی)
باہم دعوتیں کرنا۔حضرت حمزہ بن صہیبؓفرماتے ہیں کہ حضورﷺ نے ارشاد فرمایاکہ مسلمانو! تم میں اچھے وہ ہیں جوباہم ایک دوسرے کی دعوتیں کرتے رہتے ہیں اور ملا قات کے وقت ایک دوسرے کو سلام کرتے ہیں(ابن ِ سعد)
اللہ تعالیٰ کے سامنے دعا مانگنے کے آداب۔ دعا کے مانگنے والے کی روزی کاحلال ہونا، اس کا صدق مقال ہونا اور دعامیں گڑگڑانا، قبولیت کے لیئے جلدی نہیں کرنا۔ شروع اللہ تعالیٰ کی حمد وثنا سےکرنااور انﷺ کی ذا ت گرامی پر درودو سلام پڑھنااور آپ ﷺکے آل و اصحاب ؓ پر بھی سلام بھیجناوغیرہ۔ حضرت ابن عباسؓ فرماتے ہیں کہ حضورﷺ جب دعا کرتے تو اپنے دونوں ہاتھوں کو ملاکر ہتھیلیوں کو اپنے چہرے کے مقابل کرتے تھے اور ختم دعا کے بعددونوں ہاتھوں کو چہرے پر پھیر نا بھی آداب دعا میں شامل ہے۔ (مدارج النبوہ ﷺ)
حضورﷺ زیادہ آرام طلبی سے منع فرماتے تھے۔حضرت فضالہ عبید (رض) سے روایت ہے کہ رسول ﷺاللہ ہمیں زیادہ آرام طلبی سے منع فرماتے تھی اور ہم کو حکم دیتے تھے کہ کبھی کبھی ننگے پیربھی چلا کرو (ابو داود)
حضرت ابن ِ حدر(رض) سےروایت ہے کہ رسول ﷺاللہ نے فرمایا تنگی سے گزر کرواور موٹا چلن رکھواور ننگے پاؤں چلا کرو(جمع الفوائد۔طبرانی۔
حضرت عبد اللہ بن مسعود(رض) سے روایت ہے کہ ہم لوگ غزوہ بدر کے دن تین تین آدمی ایک اونٹ پر سوار تھےاور حضرت لبابہ،حضرت علی(رض) اور حضورﷺکے شریک سوار تھےجب حضورﷺ کے پیدل چلنے کی باری آتی تو وہ دونںں عرض کرتے کہ ہم آپﷺکی طرف سے پیادہ چلیں گے ۔آپﷺ فرماتے تم مجھ سے زیادہ قوی نہیں ہواور میں تم سے زیادہ ثواب سے بے نیاز نہیں ہوں(شرح السننہ)
کسب ِحلال۔حضرت عبد اللہ بن عمر(رض) سے روایت ہے کہ حضورﷺ نے فرمایافرض عبادات کی بجا آوری کے بعدحلال طریقہ سے رزق حاصل کرنا سب سے اہم فرض ہے۔ (مشکواۃ)
حضرت عبد اللہ بن مسعود (رض) رواوی ہیں کہ حضورﷺ نے فرمایاحرام مال کی کمائی میں سے نہ صدقہ قبول کیا جاتا ہے۔ نہ اس کے خرچ میں برکت دی جاتی ہے اور جو شخص حرام مال چھوڑ کر مرتا ہےوہ مال اس کی جہنم کی زاد راہ ہوتا ہےاللہ تعالیٰ برائی کو برا ئی سے نہیں مٹاتا۔ کیونکہ خبیث خبیث کو نہیں مٹاسکتا (بخاری ۔ مسلم ۔مسند احمد)












